Home » COMMUNITY » ਕਰਤਾਰਪੁਰ ਲਾਂਘੇ ਦੀ ਉਸਾਰੀ ਸਬੰਧੀ ਪਾਕਿ ਨੇ ਮਾਰੀ ਬਾਜ਼ੀ, ਹੋਇਆ 40 ਫ਼ੀਸਦੀ ਕੰਮ ਮੁਕੰਮਲ
kl

ਕਰਤਾਰਪੁਰ ਲਾਂਘੇ ਦੀ ਉਸਾਰੀ ਸਬੰਧੀ ਪਾਕਿ ਨੇ ਮਾਰੀ ਬਾਜ਼ੀ, ਹੋਇਆ 40 ਫ਼ੀਸਦੀ ਕੰਮ ਮੁਕੰਮਲ

ਇਸਲਾਮਾਬਾਦ : ਭਾਰਤ-ਪਾਕਿਸਤਾਨ ਸਰਹੱਦ ਤੱਕ ਸੜਕਾਂ ਦੀ ਉਸਾਰੀ ਦਾ ਕੰਮ ਪੂਰੇ ਜੋਰ ਦੇ ਨਾਲ ਚੱਲ ਰਿਹਾ ਹੈ। ਪਾਕਿਸਤਾਨ ਦੇ ਨਰੋਵਾਲ ਸਥਿਤ ਗੁਰਦੁਆਰਾ ਬਾਬਾ ਗੁਰੂ ਨਾਨਕ ਨੂੰ ਬਾਰਤ ਨਾਲ ਜੋੜਨ ਵਾਲੇ ਕਰਤਾਰਪੁਰ ਲਾਂਘਾ ਪ੍ਰਾਜੈਕਟ ਦਾ 40 ਫ਼ੀਸਦੀ ਉਸਾਰੀ ਕੰਮ ਪੂਰਾ ਹੋ ਗਿਆ ਹੈ। ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਬੀਤੇ ਸਾਲ 28 ਨਵੰਬਰ ਨੂੰ ਇਸ ਲਾਂਘੇ ਦਾ ਨੀਂਹ ਪੱਥਰ ਰੱਖਿਆ ਸੀ। ਇਸ ਪ੍ਰਾਜੈਕਟ ਦੇ ਤਹਿਤ ਲਾਂਘਾ ਅਤੇ ਗੁਰੂਦੁਆਰਾ ਬਾਬਾ ਗੁਰੂ ਨਾਨਕ ਦੇ ਵਿਸਥਾਰ ਉਤੇ ਲਗਾਤਾਰ ਕੰਮ ਚੱਲ ਰਿਹਾ ਹੈ। ਇਸ ਦੇ ਤਹਿਤ ਗੁਰਦੁਆਰਾ ਬਾਬਾ ਨਾਨਕ ਨੇ ਭਾਰਤ-ਪਾਕਿਸਤਾਨ ਸਰਹੱਦ ਤੱਕ ਸੜਕਾਂ ਦੀ ਉਸਾਰੀ ਅਤੇ ਗੁਰਦੁਆਰੇ ਦੇ ਵਿਸਥਾਰ ਦਾ ਕੰਮ 40 ਫ਼ੀਸਦੀ ਤੱਕ ਪੂਰਾ ਹੋ ਗਿਆ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਕ ਪ੍ਰਾਜੈਕਟ ਦੇ ਤਹਿਤ ਗੁਰਦੁਆਰੇ ਤੋਂ ਰਾਵੀ ਨਦੀ ਤੱਕ 1.10 ਕਿਲੋਮੀਟਰ ਅਤੇ ਨਦੀ ਉਤੇ 0.77 ਕਿਲੋਮੀਟਰ ਲੰਬੇ ਪੁਲ ਦੀ ਉਸਾਰੀ ਕੰਮ ਹਾਲੇ ਜਾਰੀ ਹੈ। ਇਸ ਤੋਂ ਇਲਾਵਾ ਨਦੀਂ ਤੋਂ ਭਾਰਤ ਤੱਕ ਦੀ ਸਰਹੱਦ ਤੱਕ 2.25 ਕਿਲੋਮੀਟਰ ਸੜਕ ਦਾ ਨਿਰਮਾਣ ਕੰਮ ਵੀ ਜਾਰੀ ਹੈ। ਲੱਗ-ਭੱਗ 300 ਮਜ਼ਦੂਰ ਸਖਤ ਸੁਰੱਖਿਆ ਵਿਚਕਾਰ ਦਿਨ-ਰਾਤ ਉਸਾਰੀ ਕੰਮ ਪੂਰਾ ਕਰਨ ਵਿਚ ਲੱਗੇ ਹੋਏ ਹਨ।

About Jatin Kamboj