Home » News » SPORTS NEWS » ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ 3-0 ਨਾਲ ਜਿੱਤੀ ਲੜੀ
wt

ਭਾਰਤੀ ਮਹਿਲਾ ਕ੍ਰਿਕਟ ਟੀਮ ਨੇ 3-0 ਨਾਲ ਜਿੱਤੀ ਲੜੀ

ਵਡੋਦਰਾ : ਤਜਰਬੇਕਾਰ ਏਕਤਾ ਬਿਸ਼ਤ ਦੀ ਅਗਵਾਈ ਵਿਚ ਸਪਿੰਨਰਾਂ ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਭਾਰਤੀ ਮਹਿਲਾ ਟੀਮ ਨੇ ਸੋਮਵਾਰ ਨੂੰ ਤੀਜੇ ਅਤੇ ਆਖਰੀ ਵਨਡੇ ਅੰਤਰਰਾਸ਼ਟਰੀ ਕ੍ਰਿਕਟ ਮੈਚ ਵਿੱਚ ਦੱਖਣੀ ਅਫ਼ਰੀਕਾ ਨੂੰ ਛੇ ਦੌੜਾਂ ਨਾਲ ਹਰਾ ਕੇ ਤਿੰਨ ਮੈਚਾਂ ਦੀ ਲੜੀ ਵਿੱਚ ਕਲੀਨ ਸਵੀਪ ਕੀਤਾ। ਪਹਿਲਾ ਬੱਲੇਬਾਜ਼ੀ ਕਰਨ ਵਾਲੀ ਭਾਰਤੀ ਟੀਮ 45.5 ਓਵਰਾਂ ਵਿੱਚ 146 ਦੌੜਾਂ ‘ਤੇ ਆਲ ਆਉਟ ਹੋ ਗਈ ਪਰ ਸਪਿੰਨਰਾਂ ਨੇ ਵਧੀਆ ਸਕੋਰ ਦਾ ਬਚਾਅ ਕੀਤਾ ਅਤੇ ਦਖਣੀ ਅਫਰੀਕਾ ਦੀ ਟੀਮ 48 ਓਵਰਾਂ ਵਿਚ 140 ਦੌੜਾਂ ਤੇ ਆਉਟ ਹੋ ਗਈ।ਮੈਚ ਦੀ ਸਰਬੋਤਮ ਖਿਡਾਰੀ ਚੁਣੀ ਗਏ ਖੱਬੇ ਹੱਥ ਦੇ ਸਪਿਨਰ ਏਕਤਾ ਬਿਸ਼ਟ ਨੇ 32 ਦੌੜਾਂ ਦੇ ਕੇ ਤਿੰਨ ਵਿਕਟਾਂ ਲਈਆਂ। ਇਕ ਹੋਰ ਖੱਬੇ ਹੱਥ ਦੀ ਸਪਿੰਨਰ ਰਾਜੇਸ਼ਵਰੀ ਗਾਇਕਵਾੜ ਨੇ 22 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ ਜਦਕਿ ਆਫ ਸਪਿੰਨਰ ਦੀਪਤੀ ਸ਼ਰਮਾ ਨੇ 24 ਦੌੜਾਂ ਦੇ ਕੇ ਦੋ ਵਿਕਟਾਂ ਲਈਆਂ। ਹਰਮਨਪ੍ਰੀਤ ਕੌਰ, ਜੈਮੀਮਾ ਰੌਡਰਿਗਜ਼ ਅਤੇ ਮਾਨਸੀ ਜੋਸ਼ੀ ਨੂੰ ਇਕ ਇਕ ਵਿਕਟ ਮਿਲਿਆ।ਦੱਖਣੀ ਅਫ਼ਰੀਕਾ ਦੇ ਸੱਤ ਖਿਡਾਰੀ ਦੋਹਰੇ ਅੰਕ ‘ਤੇ ਪਹੁੰਚੇ ਪਰ ਮਾਰੀਜਨ ਕੈਪ (29) ਨੇ ਉਸ ਦੀ ਤਰਫੋਂ ਸਭ ਤੋਂ ਵੱਧ ਸਕੋਰ ਬਣਾਇਆ। ਕੈਪ ਨੂੰ ਲੜੀ ਦਾ ਸਰਬੋਤਮ ਖਿਡਾਰੀ ਵੀ ਚੁਣਿਆ ਗਿਆ। ਇਸ ਤੋਂ ਪਹਿਲਾਂ ਭਾਰਤ ਚੰਗੀ ਸ਼ੁਰੂਆਤ ਨਹੀਂ ਕਰ ਸਕਿਆ ਅਤੇ ਦੂਜੇ ਓਵਰ ਤਕ ਉਨ੍ਹਾਂ ਦੇ ਦੋਵੇਂ ਸਲਾਮੀ ਬੱਲੇਬਾਜ਼ ਪ੍ਰਿਆ ਪੂਨੀਆ (0) ਅਤੇ ਰਾਡਰਿਗਜ਼ (3) ਪਵੇਲੀਅਨ ਵਿਚ ਸਨ।

About Jatin Kamboj