ਨਵੀਂ ਦਿੱਲੀ : ਫਿਲਮ ਨਿਰਮਾਤਾ ਅਨੁਰਾਗ ਕਸ਼ਿਅਪ ਇਹਨੀਂ ਦਿਨੀਂ ਅਪਣੀਆਂ ਫਿਲਮਾਂ ਤੋਂ ਜ਼ਿਆਦਾ ਨਾਗਰਿਕਤਾ ਸੋਧ ਕਾਨੂੰਨ ਦੇ ਚਲਦੇ ਚਰਚਾ ਵਿਚ ਹਨ। ਅਨੁਰਾਗ ਕਸ਼ਿਅਪ ਕੁਝ ਹੀ ਦਿਨ ਪਹਿਲਾਂ ਟਵਿਟਰ ‘ਤੇ ਵਾਪਸ ਪਰਤੇ ਹਨ ਅਤੇ ਵਾਪਸ ਪਰਤਦੇ ਹੀ ਉਹ ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਵਿਚ ਟਵੀਟ ਕਰ ਰਹੇ ਹਨ। ਬੀਤੇ ਦਿਨੀਂ ਜਿੱਥੇ ਅਨੁਰਾਗ ਕਸ਼ਿਅਪ ਨੇ ਸਦੀ ਦੇ ਮਹਾਨਾਇਕ ਅਮਿਤਾਭ ਬਚਨ ਨੂੰ ਅਪਣੇ ਨਿਸ਼ਾਨੇ ‘ਤੇ ਲਿਆ ਸੀ ਉੱਥੇ ਹੀ ਅਨੁਰਾਗ ਨੇ ਟਵੀਟ ਕਰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵੀ ਨਿਸ਼ਾਨੇ ‘ਤੇ ਲਿਆ ਹੈ। ਅਨੁਰਾਗ ਨੇ ਟਵੀਟ ਕਰਦੇ ਹੋਏ ਲਿਖਿਆ ਕਿ ਨਾਗਰਿਕਤਾ ਸੋਧ ਕਾਨੂੰਨ ਕਿਤੇ ਨਹੀਂ ਜਾਣ ਵਾਲਾ ਹੈ। ਸਰਕਾਰ ਲਈ ਕੁਝ ਵੀ ਵਾਪਸ ਲੈਣਾ ਅਸੰਭਵ ਹੈ ਕਿਉਂਕਿ ਉਹ ਉਹਨਾਂ ਲਈ ਹਾਰ ਹੋਵੇਗੀ। ਇਹ ਸਰਕਾਰ ਹਰ ਚੀਜ਼ ਨੂੰ ਹਾਰ-ਜਿੱਤ ਨਾਲ ਹੀ ਦੇਖਦੀ ਹੈ। ਇਹਨਾਂ ਦਾ ਹੰਕਾਰ ਅਜਿਹਾ ਹੈ ਕਿ ਸਭ ਕੁਝ ਜਲ ਜਾਵੇਗਾ, ਰਾਖ ਹੋ ਜਾਵੇਗਾ ਪਰ ਮੋਦੀ ਕਦੀ ਗਲਤ ਨਹੀਂ ਹੋ ਸਕਦਾ? ਕਿਉਂਕਿ ਅਨਪੜ੍ਹ ਲੋਕ ਅਜਿਹੇ ਹੀ ਹੁੰਦੇ ਹਨ’। ਅਨੁਰਾਗ ਦੇ ਇਸ ਟਵੀਟ ਤੋਂ ਬਾਅਦ ਯੂਜ਼ਰਸ ਨੇ ਉਹਨਾਂ ਨੂੰ ਕਾਫੀ ਟਰੋਲ ਕੀਤਾ। ਇਕ ਯੂਜ਼ਰ ਨੇ ਲਿਖਿਆ ਕਿ ਨਾਗਰਿਕਤਾ ਸੋਧ ਕਾਨੂੰਨ ਦਾ ਕੋਈ ਵਿਕਲਪ ਤਾਂ ਦੱਸੋ। ਤੁਸੀਂ ਪੂਰੇ ਨਾਗਰਿਕਤਾ ਕਾਨੂੰਨ ਦਾ ਵਿਰੋਧ ਕਰ ਰਹੇ ਹੋ ਜਾਂ ਉਸ ਵਿਚ ਮੁਸਲਮਾਨਾਂ ਨੂੰ ਜੋੜਨ ਲਈ ਅੰਦੋਲਨ ਕਰ ਰਹੇ ਹੋ? ਦੂਜੇ ਯੂਜ਼ਰ ਨੇ ਲਿਖਿਆ ਕਿ ਸਭ ਜਲ ਜਾਵੇਗਾ ਜਾਂ ਤੁਸੀਂ ਕਹਿਣਾ ਚਾਹੁੰਦੇ ਹੋ ਕਿ ਤੁਸੀਂ ਸਭ ਜਲਾ ਦਵੋਗੇ। ਇਸ ਦੇ ਨਾਲ ਹੀ ਇਕ ਯੂਜ਼ਰ ਨੇ ਅਨੁਰਾਗ ਕਸ਼ਿਅਪ ਵੱਲੋਂ ਅਨਪੜ੍ਹ ਸ਼ਬਦ ਵਰਤਣ ਨੂੰ ਲੈ ਕੇ ਵੀ ਇਤਰਾਜ਼ ਜ਼ਾਹਿਰ ਕੀਤਾ ਹੈ। ਦੱਸ ਦਈਏ ਕਿ ਇਸ ਤੋਂ ਪਹਿਲਾਂ ਵੀ ਅਨੁਰਾਗ ਕਸ਼ਿਅਪ ਨੇ ਸਰਕਾਰ ‘ਤੇ ਕਈ ਵਾਰ ਹਮਲੇ ਕੀਤੇ ਹਨ। ਉਹਨਾਂ ਨੇ ਭਾਜਪਾ ਸਰਕਾਰ ਨੂੰ ਫਾਸੀਵਾਦੀ ਸਰਕਾਰ ਵੀ ਕਿਹਾ ਸੀ। ਅਨੁਰਾਗ ਕਸ਼ਿਅਪ ਤੋਂ ਇਲਾਵਾ ਬਾਲੀਵੁੱਡ ਦੇ ਕਈ ਲੋਕਾਂ ਨੇ ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਵਿਚ ਨਰਾਜ਼ਗੀ ਜ਼ਾਹਿਰ ਕੀਤੀ ਸੀ, ਜਿਨ੍ਹਾਂ ਵਿਚ ਫਰਹਾਨ ਅਖ਼ਤਰ, ਜਾਵੇਦ ਅਖ਼ਤਰ, ਜਾਵੇਦ ਜਾਫਰੀ, ਦੀਆ ਮਿਰਜ਼ਾ, ਸਵਰਾ ਭਾਸਕਰ, ਮਹੇਸ਼ ਭੱਟ, ਆਲਿਆ ਭੱਟ ਆਦਿ ਸਿਤਾਰਿਆਂ ਦੇ ਨਾਂਅ ਸ਼ਾਮਲ ਹਨ।
Share on Facebook
Follow on Facebook
Add to Google+
Connect on Linked in
Subscribe by Email
Print This Post
You must be logged in to post a comment Login