ਅਮਿਤਾਭ ਨੇ ਉਡਾਇਆ ICC ਦੇ ਨਿਯਮਾਂ ਦਾਮਜਾਕ, ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਜੋਕ

ਨਵੀਂ ਦਿੱਲੀ: ਵਿਸ਼ਵ ਕੱਪ ਟੂਰਨਾਮੈਂਟ ਦੇ ਫਾਇਨਲ ਮੈਚ ਵਿੱਚ ਚੰਗਾ ਖੇਡਣ ਦੇ ਬਾਵਜੂਦ ਵੀ ਨਿਊਜ਼ੀਲੈਂਡ ਹਾਰ ਗਿਆ। ਆਈਸੀਸੀ ਨੇ ਬਾਉਂਡਰੀ ਕਾਉਂਟ ਨਿਯਮ ਨੂੰ ਆਧਾਰ ਬਣਾਉਂਦੇ ਹੋਏ ਇੰਗਲੈਂਡ ਨੂੰ ਵਿਸ਼ਵ ਕੱਪ 2019 ਦੀ ਜੇਤੂ ਟੀਮ ਐਲਾਨ ਦਿੱਤੀ ਹੈ। ਇਸ ਰੂਲ ਨਾਲ ਇੰਗਲੈਂਡ 17 ਦੇ ਮੁਕਾਬਲੇ 26 ਬਾਉਂਡਰੀਜ ਨਾਲ ਵਰਲਡ ਕੱਪ ਤਾਂ ਜਿੱਤ ਗਿਆ ਪਰ ਟੂਰਨਾਮੈਂਟ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਇਸਤੇਮਾਲ ਹੋਏ ਇਸ ਰੂਲ ‘ਤੇ ਸਵਾਲ ਖੜੇ ਹੋਣੇ ਸ਼ੁਰੂ ਹੋ ਗਏ। ਕ੍ਰਿਕੇਟ ਦੇ ਦਿੱਗਜਾਂ ਤੋਂ ਇਲਾਵਾ ਇੱਕ ਆਮ ਕ੍ਰਿਕੇਟ-ਪ੍ਰੇਮੀ ਨੂੰ ਵੀ ਲੱਗਦਾ ਹੈ ਕਿ ਨਿਊਜ਼ੀਲੈਂਡ ਨਾਲ ‘ਠੱਗੀ’ ਹੋਈ ਹੈ। ਆਈਸੀਸੀ ਦੇ ਇਸ ਨਿਯਮ ਦੀ ਖੇਡ, ਸਿਨੇਮਾ ਜਗਤ ਦੇ ਦਿੱਗਜਾਂ ਤੋਂ ਇਲਾਵਾ ਆਮ ਲੋਕ ਵੀ ਆਲੋਚਨਾ ਕਰ ਰਹੇ ਹਨ। ਹੁਣ ਬਾਲੀਵੁੱਡ ਦੇ ਸ਼ਹਿੰਸ਼ਾਹ ਅਮਿਤਾਭ ਬੱਚਨ ਨੇ ਵੀ ਇਸਦਾ ਮਖੌਲ ਉਡਾਇਆ ਹੈ।
ਅਮਿਤਾਭ ਨੇ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਜੋਕ :ਅਮੀਤਾਭ ਬੱਚਨ ਨੇ ਸੋਸ਼ਲ ਮੀਡਿਆ ਉੱਤੇ ਇੱਕ ਜੋਕ ਸ਼ੇਅਰ ਕੀਤਾ ਹੈ। ਉਸ ਵਿੱਚ ਉਨ੍ਹਾਂ ਨੇ ਲਿਖਿਆ, ਤੁਹਾਡੇ ਕੋਲ 2000 ਰੁਪਏ, ਮੇਰੇ ਕੋਲ ਵੀ 2000 ਰੁਪਏ। ਤੁਹਾਡੇ ਕੋਲ 2000 ਰੁਪਏ ਦਾ ਇੱਕ ਨੋਟ, ਮੇਰੇ ਕੋਲ 500 ਦੇ 4… ਕੌਣ ਜ਼ਿਆਦਾ ਅਮੀਰ? ਆਈਸੀਸੀ ਜਿਸਦੇ ਕੋਲ 500 ਦੇ 4 ਨੋਟ ਉਹ ਜ਼ਿਆਦਾ ਅਮੀਰ ਹੈ। ਉਨ੍ਹਾਂ ਨੇ ਆਈਸੀਸੀ ਦੇ ਇਸ ਨਿਯਮ ਨਾਲ ਜੁੜਿਆ ਇੱਕ ਅਤੇ ਟਵੀਟ ਕੀਤਾ, ਇਸ ਲਈ ਮਾਂ ਕਹਿੰਦੀ ਸੀ ਚੌਕਾ ਬਰਤਨ ਆਣਾ ਚਾਹੀਦਾ ਹੈ।