ਨਵੇਂ ਸਾਲ ਤੋਂ ਆਸਾਮ ਸਰਕਾਰ ਵਿਆਹ ‘ਤੇ ਦੇਵੇਗੀ ‘1 ਤੋਲੇ ਸੋਨਾ’

ਨਵੀਂ ਦਿੱਲੀ: ਜੇਕਰ ਤੁਸੀਂ ਨਵੇਂ ਸਾਲ ‘ਚ ਵਿਆਹ ਕਰਨ ਵਾਲੇ ਹੋ ਤਾਂ ਇਹ ਖਬਰ ਤੁਹਾਡੇ ਲਈ ਹੈ। ਦਰਅਸਲ, 1 ਜਨਵਰੀ ਤੋਂ ਆਸਾਮ ਸਰਕਾਰ ਘੱਟ ਤੋਂ ਘੱਟ 10ਵੀਂ ਤੱਕ ਦੀ ਪੜ੍ਹਾਈ ਕਰਨ ਵਾਲੀਆਂ ਅਤੇ ਆਪਣੇ ਵਿਆਹ ਨੂੰ ਪੰਜੀਕ੍ਰਿਤ ਕਰਾਉਣ ਵਾਲੀਆਂ ਹਰ ਬਾਲਉਮਰ ਲਾੜੀ ਨੂੰ 10 ਗਰਾਮ ਸੋਨਾ ਤੋਹਫ਼ੇ ਵਜੋਂ ਦੇਵੇਗੀ। ਸਰਕਾਰ ਨੇ ਇਸ ਸਕੀਮ ਦਾ ਐਲਾਨ ਪਿਛਲੇ ਮਹੀਨੇ ਕੀਤਾ ਸੀ। ਸਰਕਾਰ ਨੇ ਇਸ ਯੋਜਨਾ ਦਾ ਲਾਭ ਲੈਣ ਲਈ ਕੁਝ ਸ਼ਰਤਾਂ ਰੱਖੀਆਂ ਹਨ।
ਕਰਨਾ ਹੋਵੇਗਾ ਇਹ ਕੰਮ
‘ਅਰੁੰਧਤੀ ਸੋਨਾ ਯੋਜਨਾ’ ਦਾ ਲਾਭ ਲੈਣ ਲਈ ਕੁਝ ਸ਼ਰਤਾਂ ਵੀ ਹਨ। ਇਸ ਯੋਜਨਾ ਦਾ ਲਾਭ ਲੈਣ ਲਈ ਲਾੜੀ ਦੇ ਪਰਵਾਰ ਦੀ ਸਾਲਾਨਾ ਆਮਦਨ 5 ਲੱਖ ਰੁਪਏ ਤੋਂ ਘੱਟ ਹੋਣੀ ਚਾਹੀਦੀ ਹੈ। ਅਰੁੰਧਤੀ ਸੋਨਾ ਯੋਜਨਾ ਦਾ ਲਾਭ ਕੁੜੀ ਦੇ ਪਹਿਲੀ ਵਾਰ ਵਿਆਹ ‘ਤੇ ਹੀ ਮਿਲੇਗਾ। ਇਸਨੂੰ ਸਪੈਸ਼ਲ ਵਿਆਹ ਐਕਟ 1954 ਦੇ ਤਹਿਤ ਰਜਿਸਟਰ ਕਰਾਉਣਾ ਹੋਵੇਗਾ।
ਬੈਂਕ ‘ਚ ਜਮਾਂ ਹੋਣਗੇ 30 ਹਜਾਰ ਰੁਪਏ
ਯੋਜਨਾ ਦੇ ਤਹਿਤ ਸੋਨਾ ਫਿਜੀਕਲ ਫ਼ਾਰਮ ‘ਚ ਨਹੀਂ ਦਿੱਤਾ ਜਾਵੇਗਾ। ਵਿਆਹ ਦੇ ਰਜਿਸਟਰੇਸ਼ਨ ਅਤੇ ਵੇਰੀਫਿਕੇਸ਼ਨ ਤੋਂ ਬਾਅਦ 30,000 ਰੁਪਏ ਲਾੜੀ ਦੇ ਬੈਂਕ ਅਕਾਉਂਟ ਵਿੱਚ ਜਮ੍ਹਾਂ ਕੀਤੇ ਜਾਣਗੇ। ਇਸਤੋਂ ਬਾਅਦ ਉਸਨੂੰ ਸੋਨੇ ਦੀ ਖਰੀਦ ਦੀ ਰਸੀਦ ਸਬਮਿਟ ਕਰਨਾ ਹੋਵੇਗੀ। ਇਨ੍ਹਾਂ ਪੈਸਿਆਂ ਦਾ ਇਸਤੇਮਾਲ ਹੋਰ ਕਿਸੇ ਕੰਮ ਲਈ ਨਹੀਂ ਕੀਤਾ ਜਾ ਸਕਦਾ।