ਕਾਂਗਰਸ ਨੇਤਾ ਨੇ ਮੋਦੀ ਦੀ ਔਰੰਗਜ਼ੇਬ ਨਾਲ ਕੀਤੀ ਤੁਲਨਾ

ਨਵੀਂ ਦਿੱਲੀ, 26 ਜੂਨ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਕਟਕਾਲ ‘ਤੇ ਸੰਬੋਧਨ ਤੋਂ ਬਾਅਦ ਕਾਂਗਰਸ ਦੇ ਸੀਨੀਅਰ ਨੇਤਾ ਸੁਰਜੇਵਾਲਾ ਨੇ ਉਨ੍ਹਾਂ ‘ਤੇ ਨਿਸ਼ਾਨਾ ਵਿੰਨ੍ਹਿਆ ਹੈ। ਉਨ੍ਹਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਤਾਨਾਸ਼ਾਹ ਅਤੇ ਬੇਰਹਿਮ ਦੱਸਿਆ ਹੈ। ਉਨ੍ਹਾਂ ਕਿਹਾ ਕਿ ਦਿੱਲੀ ਸਲਤਨਤ ਦੇ ਬਾਦਸ਼ਾਹ ਔਰੰਗਜ਼ੇਬ ਤੋਂ ਵੱਧ ਬੇਰਹਿਮ ਤਨਾਸ਼ਾਹ ਮੋਦੀ ਜੀ ਨੇ ਦੇਸ਼ ਨੂੰ 43 ਸਾਲ ਪੁਰਾਣੇ ਸੰਕਟਕਾਲ ਦਾ ਪਾਠ ਪੜ੍ਹਾਇਆ। ਰਣਦੀਪ ਨੇ ਕਿਹਾ ਕਿ ਕੀ ਕਾਂਗਰਸ ‘ਤੇ ਭੜਾਸ ਕੱਢਣ ਨਾਲ ਮੋਦੀ ਦੇ ਜ਼ੁਲਮਾਂ ‘ਤੇ ਪਰਦਾ ਪੈ ਸਕਦਾ ਹੈ? ਤੁਹਾਨੂੰ ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਮੋਦੀ ਨੇ ਅੱਜ ਮੁੰਬਈ ਇੱਕ ਪ੍ਰੋਗਰਾਮ ਦੌਰਾਨ ਸੰਕਟਕਾਲ ‘ਤੇ ਭਾਸ਼ਣ ਦਿੱਤਾ, ਜਿਸ ‘ਚ ਉਨ੍ਹਾਂ ਨੇ ਕਾਂਗਰਸ ਅਤੇ ਗਾਂਧੀ ਪਰਿਵਾਰ ‘ਤੇ ਕਈ ਤਰ੍ਹਾਂ ਦੀਆਂ ਗੱਲਾਂ ਕਹੀਆਂ।