ਗਿਆਨਵਾਪੀ ਮਸਜਿਦ ਸਰਵੇ ਰਿਪੋਰਟ ਵਾਰਾਨਸੀ ਅਦਾਲਤ ਨੂੰ ਸੌਂਪੀ

ਵਾਰਾਨਸੀ (ਯੂਪੀ), 19 ਮਈ-ਕਾਸ਼ੀ ਵਿਸ਼ਵਨਾਥ ਮੰਦਰ-ਗਿਆਨਵਾਪੀ ਮਸਜਿਦ ਦੀ ਵੀਡੀਓਗ੍ਰਾਫੀ ਸਰਵੇਖਣ ਕਰਨ ਲਈ ਅਦਾਲਤ ਵੱਲੋਂ ਕਾਇਮ ਕੀਤੇ ਕਮਿਸ਼ਨ ਨੇ ਅੱਜ ਇਥੇ ਅਦਾਲਤ ਨੂੰ ਆਪਣੀ ਰਿਪੋਰਟ ਸੌਂਪ ਦਿੱਤੀ। ਹਿੰਦੂ ਪੱਖ ਵੱਲੋਂ ਪੇਸ਼ ਹੋਏ ਐਡਵੋਕੇਟ ਮਦਨ ਮੋਹਨ ਯਾਦਵ ਨੇ ਦੱਸਿਆ ਕਿ ਵਿਸ਼ੇਸ਼ ਵਕੀਲ ਕਮਿਸ਼ਨਰ ਵਿਸ਼ਾਲ ਸਿੰਘ ਨੇ 14, 15 ਅਤੇ 16 ਮਈ ਨੂੰ ਕੀਤੇ ਸਰਵੇ ਦੀ ਰਿਪੋਰਟ ਜ਼ਿਲ੍ਹਾ ਸਿਵਲ ਜੱਜ ਰਵੀ ਕੁਮਾਰ ਦੀਵਾਕਰ ਦੀ ਅਦਾਲਤ ਵਿੱਚ ਪੇਸ਼ ਕੀਤੀ।