ਫਰਾਂਸ ਨੂੰ 4500 ਕਰੋੜ ਰੁਪਏ ਦਾ ਹਰਜਾਨਾ ਦੇਵੇਗਾ ਆਸਟ੍ਰੇਲੀਆ

ਕੈਨਬਰਾ (PE): ਆਸਟ੍ਰੇਲੀਆ ਨੇ ਫਰਾਂਸ ਨਾਲ ਪਣਡੁੱਬੀਆਂ ਖਰੀਦਣ ਦਾ ਸਮਝੌਤਾ ਤੋੜਨ ‘ਤੇ ਮੁਆਵਜ਼ਾ ਦੇਣ ਲਈ ਸਹਿਮਤੀ ਦਿੱਤੀ ਹੈ। ਇਸ ਸਮਝੌਤੇ ਦੇ ਬਦਲੇ ਆਸਟ੍ਰੇਲੀਆਈ ਸਰਕਾਰ ਫ੍ਰਾਂਸੀਸੀ ਨੇਵਲ ਸਮੂਹ ਨੂੰ 585 ਮਿਲੀਅਨ ਡਾਲਰ (4500 ਕਰੋੜ ਰੁਪਏ) ਹਰਜਾਨੇ ਦਾ ਭੁਗਤਾਨ ਕਰੇਗੀ। ਆਸਟ੍ਰੇਲੀਆ ਨੇ ਪਿਛਲੇ ਸਾਲ ਪਣਡੁੱਬੀਆਂ ਦਾ ਬੇੜਾ ਬਣਾਉਣ ਲਈ ਫ੍ਰੈਂਚ ਨੇਵਲ ਗਰੁੱਪ ਨਾਲ 90 ਬਿਲੀਅਨ ਡਾਲਰ ਦਾ ਸੌਦਾ ਕੀਤਾ ਸੀ ਪਰ ਆਸਟ੍ਰੇਲੀਆ ਨੇ ਪ੍ਰਮਾਣੂ ਪਣਡੁੱਬੀਆਂ ਦੇ ਲਾਲਚ ਵਿੱਚ ਅਮਰੀਕਾ ਅਤੇ ਬ੍ਰਿਟੇਨ ਨਾਲ ਸਮਝੌਤਾ ਕਰ ਲਿਆ। ਇਸ ਨੇ ਫਰਾਂਸ ਨਾਲ ਪਣਡੁੱਬੀ ਦੇ ਸੌਦੇ ਨੂੰ ਇਕਤਰਫਾ ਤੋੜ ਦਿੱਤਾ। ਫਰਾਂਸ ਨੇ ਵੀ ਇਸ ਨੂੰ ਲੈ ਕੇ ਆਸਟ੍ਰੇਲੀਆ ਨਾਲ ਸਖ਼ਤ ਨਾਰਾਜ਼ਗੀ ਜਤਾਈ ਸੀ।ਹੁਣ ਆਸਟ੍ਰੇਲੀਆ ਦੇ ਨਵੇਂ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਕਿਹਾ ਕਿ ਫਰਾਂਸ ਨਾਲ ਸਮਝੌਤਾ ਸਹੀ ਅਤੇ ਨਿਆਂਪੂਰਨ ਸੀ। ਉਹਨਾਂ ਨੇ ਕਿਹਾ ਕਿ ਉਹ ਜਲਦੀ ਹੀ ਇੱਕ ਰਿਸ਼ਤੇ ਨੂੰ “ਰੀਸੈਟ” ਕਰਨ ਲਈ ਫਰਾਂਸ ਦੀ ਯਾਤਰਾ ਕਰਨਗੇ। ਫਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨਾਲ ਗੱਲਬਾਤ ਤੋਂ ਬਾਅਦ ਅਲਬਾਨੀਜ਼ ਨੇ ਕਿਹਾ ਕਿ ਅਸੀਂ ਆਸਟ੍ਰੇਲੀਆ ਅਤੇ ਫਰਾਂਸ ਵਿਚਾਲੇ ਬਿਹਤਰ ਸਬੰਧਾਂ ਨੂੰ ਮੁੜ ਸਥਾਪਿਤ ਕਰ ਰਹੇ ਹਾਂ। ਮੈਂ ਰਾਸ਼ਟਰਪਤੀ ਮੈਕਰੋਨ ਦੇ ਪੈਰਿਸ ਦੌਰੇ ਦੇ ਸੱਦੇ ਨੂੰ ਜਲਦੀ ਤੋਂ ਜਲਦੀ ਸਵੀਕਾਰ ਕਰਨ ਦੀ ਉਮੀਦ ਕਰਦਾ ਹਾਂ।