ਬਰਤਾਨੀਆ ਦੀਆਂ ਆਮ ਚੋਣਾਂ ਵਿਚ ਜਿੱਤ ਦਿਵਾਉਣਗੇ ਓਬਾਮਾ ਦੇ ਨੀਤੀਘਾੜੇ

ਲੰਡਨ, 1 ਅਪ੍ਰੈਲ : ਅਮਰੀਕਾ ਦੇ ਰਾਸ਼ਟਰਪਤੀ ਚੋਣਾਂ ਵਿਚ ਬਰਾਕ ਓਬਾਮਾ ਨੂੰ ਜਿੱਤ ਦਿਵਾਉਣ ਵਾਲੇ ਨੀਤੀਘਾੜੇ ਹੁਣ ਬਰਤਾਨਵੀ ਚੋਣਾਂ ਵਿਚ ਵੀ ਇਹੀ ਕੰਮ ਕਰਨਗੇ। ਕਿਹੜਾ ਨੀਤੀਘਾੜਾ ਸਫਲ ਹੋਵੇਗਾ, ਇਹ ਦਿਲਚਸਪ ਗੱਲ ਹੋਵੇਗੀ, ਕਿਉਂਕਿ ਉਨ•ਾਂ ਦੀਆਂ ਸੇਵਾਵਾਂ ਸੱਤਾਧਾਰੀ ਅਤੇ ਵਿਰੋਧੀ ਦਲ ਦੋਵੇਂ ਹੀ ਲੈ ਰਹੇ ਹਨ। ਬਰਤਾਨੀਆ ਵਿਚ ਆਮ ਚੋਣਾਂ ਲਈ ਸੱਤ ਮਈ ਨੂੰ ਵੋਟਾਂ ਪੈਣਗੀਆਂ ਹਨ। ਕਨਜਰਵੇਟਿਵ ਪ੍ਰਧਾਨ ਮੰਤਰੀ ਡੇਵਿਡ ਕੈਮਰਨ ਨੂੰ ਉਨ•ਾਂ ਦੇ ਲੇਬਰ ਵਿਰੋਧੀ ਸਖਤ ਟੱਕਰ ਦੇ ਰਹੇ ਹਨ। ਮਿਲੀਬੈਂਡ ਮੁੱਛੜ ਨੀਤੀਘਾੜੇ ਡੇਵਿਡ ਏਕਸੇਲਰਾਡ ਦੀਆਂ ਸੇਵਾਵਾਂ ਲੈ ਰਹੇ ਹਨ। ਉਹ 60 ਸਾਲਾਂ ਦੇ ਹਨ ਅਤੇ ਓਬਾਮਾ ਦੇ ਯੈਸ ਵੀ ਕੈਨ ਨਾਅਰੇ ਦੇ ਪਿੱਛੇ ਉਨਾਂ ਦਾ ਹੀ ਹੱਥ ਸੀ। ਓਬਾਮਾ ਇਸ ਨਾਅਰੇ ਦੀ ਬਦੌਲਤ 2008 ਵਿਚ ਰਾਸ਼ਟਰਪਤੀ ਅਹੁਦੇ ਉੱਤੇ ਪਹੁੰਚੇ ਸਨ। ਉੱਧਰ ਪ੍ਰਧਾਨ ਮੰਤਰੀ ਡੇਵਡ ਕੈਮਰਨ ਨੇ 46 ਸਾਲ ਦੇ ਜਿਮ ਸੇਸਿਨਾ ਦੀਆਂ ਸੇਵਾਵਾਂ ਲਈਆਂ ਹਨ। ਮੇਸਿਨਾ ਨੇ ਓਬਾਮਾ ਦੇ 2012 ਦੇ ਚੋਣ ਪ੍ਰਚਾਰ ਦੀ ਅਗਵਾਈ ਕੀਤੀ ਸੀ। ਕੈਮਰਨ ਨੇ ਓਬਾਮਾ ਦੇ ਨਿੱਜੀ ਸਹਾਇਕ ਰਹੇ ਰੈਗੀ ਲਵ ਦੀਆਂ ਸੇਵਾਵਾਂ ਵੀ ਲਈਆਂ ਹਨ। ਰੈਗੀ 33 ਸਾਲ ਦੇ ਹਨ ਅਤੇ ਬਾਡੀ ਮੈਨ ਦੇ ਨਾਂ ਨਾਲ ਪ੍ਰਸਿੱਧ ਹਨ। ਯੂਰੇਪੀਅਨ ਯੂਨੀਅਨ ਵਿਰੋਧੀ ਦਲ ਯੂ ਕੇ ਇੰਡੀਪੇਂਡੇਂਸ ਪਾਰਟੀ ਦੇ ਨੇਤਾ ਨਿਗੇਲ ਫਰਾਗ ਦਾ ਕਹਿਣਾ ਹੈ ਕਿ ਅਮਰੀਕੀ ਨੀਤੀਘਾੜੇ ਬਰਤਾਨਵੀ ਚੋਣਾਂ ਵਿਚ ਵੀ ਕੁੜੱਤਣ ਘੋਲ਼ਣਗੇ। ਇਹ ਨਾਂ-ਪੱੀ ਅਤੇ ਨਿੱਜੀ ਪ੍ਰਚਾਰ ਵਾਲਾ ਮਾਹੌਲ ਬਣਾ ਦੇਣਗੇ।