ਭਾਰਤ ਓਲੰਪਿਕ ਲਈ ਕਰ ਸਕਦੈ ਦਾਅਵੇਦਾਰੀ, ਪ੍ਰਧਾਨ ਮੰਤਰੀ ਮੋਦੀ ਨੂੰ ਮਿਲਣਗੇ ਆਈਓਸੀ ਮੁਖੀ

ਨਵੀਂ ਦਿੱਲੀ, 3 ਅਪ੍ਰੈਲ : ਕੇਂਦਰ ਸਰਕਾਰ ਅਤੇ ਕੌਮੀ ਓਲੰਪਿਕ ਇਕਾਈ ਨੇ ਓਲਪਿੰਕ 2024 ਦੀਆਂ ਸੰਭਾਵਿਤ ਦਾਅਵੇਦਾਰੀਆਂ ‘ਤੇ ਚਰਚਾ ਲਈ ਕੌਮਾਂਤਰੀ ਓਲੰਪਿਕ ਕਮੇਟੀ (ਆਈਓਸੀ) ਦੇ ਮੁਖੀ ਥਾਮਸ ਬਾਕ ਨੂੰ ਇਸ ਮਹੀਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨਾਲ ਬੈਠਕ ਲਈ ਸੱਦਾ ਦਿੱਤਾ ਹੈ। ਸਾਲ 2013 ‘ਚ ਆਈਓਸੀ ਪ੍ਰਧਾਨ ਦਾ ਅਹੁਦਾ ਸੰਭਾਲਣ ਵਾਲੇ ਸ੍ਰੀ ਬਾਕ ਨੂੰ ਇਥੇ ਪ੍ਰਧਾਨ ਮੰਤਰੀ ਸ੍ਰੀ ਮੋਦੀ ਨਾਲ ਬੈਠਕ ਲਈ ਸੱਦਾ ਭੇਜਿਆ ਗਿਆ ਹੈ। ਵਿਕਲਪ ਦੇ ਤੌਰ ‘ਤੇ ਬੈਠਕ ਲਈ 27 ਅਪ੍ਰੈਲ ਦੀ ਤਰੀਕ ਤੈਅ ਕੀਤੀ ਗਈ ਹੈ। ਆਈਓਸੀ ਪ੍ਰਧਾਨ ਬਣਨ ਮਗਰੋਂ ਸ੍ਰੀ ਬਾਕ ਦੀ ਇਹ ਪਹਿਲੀ ਭਾਰਤ ਯਾਤਰਾ ਹੋਵੇਗੀ। ਜਰਮਨੀ ਤਲਵਾਰਬਾਜ਼ੀ ਦੇ ਸਾਬਕਾ ਓਲੰਪੀਅਨ ਸ਼੍ਰੀ ਬਾਕ ਨੂੰ ਸਵਿਟਜ਼ਰਨੈਂਡ tabs4australia.com/legal-viagra-generic-australia/ ਦੇ ਲੁਸਾਨੇ ‘ਚ ਆਈਓਸੀ ਮੁੱਖ ਦਫ਼ਤਰ ‘ਚ ਖੇਡ ਸਕੱਤਰ ਅਜਿਤ ਸ਼ਰਣ ਅਤੇ ਭਾਰਤੀ ਓਲਪਿੰਕ ਸੰਘ ਦੇ ਪ੍ਰਧਾਨ ਐਨ. ਰਾਮਚੰਦਰ ਨੇ ਸੱਦਾ ਪੱਤਰ ਸੌਂਪਿਆ। ਸ਼੍ਰੀ ਬਾਕ ਅੱਜ ਆਈਓਏ ਦੇ ਸਿਖਰਲੇ ਅਧਿਕਾਰੀਆਂ ਨਾਲ ਬੈਠਕ ਕਰ ਸਕਦੇ ਹਨ। ਆਈਓਏ ਸੂਤਰਾਂ ਨੇ ਦੱਸਿਆ ਕਿ ਭਾਰਤ ਸਰਕਾਰ ਸ਼੍ਰੀ ਬਾਕ ਨੂੰ ਇਹ ਦੱਸਣਾ ਚਾਹੁੰਦੀ ਹੈ 2024 ਓਲੰਪਿਕ ਖੇਡਾਂ ਦੀ ਦਾਅਵੇਦਾਰੀ ਨੂੰ ਲੈ ਕੇ ਭਾਰਤ ਚਾਹਵਾਨ ਹੈ ਪਰ ਫਿਲਹਾਲ ਰਸਮੀ ਤੌਰ ‘ਤੇ ਕੋਈ ਜਾਣਕਾਰੀ ਨਹੀਂ ਦੇਣਾ ਚਾਹੁੰਦਾ। ਇਸ ਸਬੰਧ ‘ਚ ਕੋਈ ਸਰਕਾਰੀ ਅਧਿਕਾਰੀ ਰਸਮੀ ਤੌਰ ‘ਤੇ ਜਾਣਕਾਰੀ ਦੇਣ ਨੂੰ ਤਿਆਰ ਨਹੀਂ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਦੇਸ਼ ਓਲੰਪਿਕ ਖੇਡਾਂ ਦੇ ਵਿਕਾਸ ਨੂੰ ਲੈ ਕੇ ਕਾਫ਼ੀ ਉਤਾਵਲਾ ਹੈ ਤੇ ਅਗਾਮੀ ਸਾਲਾਂ ‘ਚ ਓਲਪਿਕ ਮੁਹਿੰਮ ‘ਚ ਭਾਰਤ ਵੱਡੀ ਭੂਮਿਕਾ ਨਿਭਾਅ ਸਕਦਾ ਹੈ।