ਮਨੀਪੁਰ ’ਚ ਹਾਲਾਤ ਤਣਾਅਪੂਰਨ, ਇੰਫਾਲ ’ਚ ਕਰਫਿਊ ਦੌਰਾਨ ਢਿੱਲ

ਇੰਫਾਲ, 29 ਸਤੰਬਰ- ਮੁੱਖ ਮੰਤਰੀ ਐੱਨ. ਬੀਰੇਨ ਸਿੰਘ ਦੇ ਖਾਲੀ ਪਏ ਜੱਦੀ ਘਰ ‘ਤੇ ਹਮਲੇ ਦੀ ਕੋਸ਼ਿਸ਼ ਸਮੇਤ ਹਿੰਸਕ ਝੜਪਾਂ ਤੋਂ ਇਕ ਦਨਿ ਬਾਅਦ ਅੱਜ ਸਵੇਰੇ ਮਨੀਪੁਰ ਦੀ ਇੰਫਾਲ ਘਾਟੀ ਵਿਚ ਸਥਿਤੀ ਸ਼ਾਂਤ ਪਰ ਤਣਾਅਪੂਰਨ ਰਹੀ। ਅਧਿਕਾਰੀਆਂ ਨੇ ਇੰਫਾਲ ਪੂਰਬੀ ਅਤੇ ਇੰਫਾਲ ਪੱਛਮੀ ਜ਼ਿਲ੍ਹਿਆਂ ਵਿੱਚ ਸਵੇਰੇ 5 ਵਜੇ ਤੋਂ ਰਾਤ 11 ਵਜੇ ਤੱਕ ਕਰਫਿਊ ਵਿੱਚ ਢਿੱਲ ਦਿੱਤੀ ਹੈ ਤਾਂ ਜੋ ਲੋਕਾਂ ਨੂੰ ਜ਼ਰੂਰੀ ਵਸਤੂਆਂ ਅਤੇ ਦਵਾਈਆਂ ਖਰੀਦ ਸਕਣ। ਅਧਿਕਾਰਤ ਆਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ ਇਹ ਢਿੱਲ ਕਿਸੇ ਵੀ ਗੈਰ-ਕਾਨੂੰਨੀ ਇਕੱਠ ਜਾਂ ਵੱਡੇ ਪੱਧਰ ‘ਤੇ ਲੋਕਾਂ ਦੇ ਅੰਦੋਲਨ ਜਾਂ ਵਿਰੋਧ ’ਤੇ ਲਾਗੂ ਨਹੀਂ ਹੋਵੇਗੀ।