ਮਨੋਹਰ ਪਾਰੀਕਰ ਹੀ ਰਹਿਣਗੇ ਗੋਆ ਦੇ ਮੁੱਖਮੰਤਰੀ: ਮੋਦੀ ਸਰਕਾਰ

ਨੈਸ਼ਨਲ ਡੈਸਕ— ਮਨੋਹਰ ਪਾਰੀਕਰ ਦੀ ਖਰਾਬ ਸਿਹਤ ਵਿਚਾਲੇ ਗੋਆ ‘ਚ ਪਰਿਵਰਤਨ ਨੂੰ ਲੈ ਕੇ ਲੱਗ ਰਹੀਆਂ ਕਿਆਸ ਅਰਾਈਆਂ ਨੂੰ ਭਾਜਪਾ ਨੇ ਖਾਰਜ ਕਰ ਦਿੱਤਾ ਹੈ। ਭਾਜਪਾ ਪ੍ਰਧਾਨ ਅਮਿਤ ਸ਼ਾਹ ਨੇ ਸਾਫ ਕਰ ਦਿੱਤਾ ਹੈ ਕਿ ਮਨੋਹਰ ਪਾਰੀਕਰ ਗੋਆ ਦੇ ਮੁੱਖਮੰਤਰੀ ਬਣੇ ਰਹਿਣਗੇ। ਉਥੇ ਦੀ ਕੈਬਨਿਟ ‘ਚ ਕੁਝ ਫੇਰਬਦਲ ਕੀਤਾ ਜਾ ਸਕਦਾ ਹੈ। ਸ਼ਾਹ ਨੇ ਟਵੀਟ ਕੀਤਾ ਕਿ ਗੋਆ ਪ੍ਰਦੇਸ਼ ਭਾਜਪਾ ਵੱਲੋਂ ਕੋਰ ਟੀਮ ਨਾਲ ਚਰਚਾ ਕਰਕੇ ਇਹ ਫੈਸਲਾ ਲਿਆ ਗਿਆ ਹੈ ਕਿ ਮੁੱਖਮੰਤਰੀ ਮਨੋਹਰ ਪਾਰੀਕਰ ਹੀ ਗੋਆ ਸਰਕਾਰ ਦੀ ਅਗਵਾਈ ਕਰਦੇ ਰਹਿਣਗੇ। ਉਨ੍ਹਾਂ ਨੇ ਕਿਹਾ ਕਿ ਪ੍ਰਦੇਸ਼ ਸਰਕਾਰ ਦੇ ਮੰਤਰੀਮੰਡਲ ਅਤੇ ਵਿਭਾਗਾਂ ‘ਚ ਬਦਲਾਅ ਜਲਦੀ ਹੀ ਕੀਤਾ ਜਾਵੇਗਾ।
ਪਾਰੀਕਰ ਦੇ ਦਿੱਲੀ ਦੇ ਏਮਜ਼ ‘ਚ ਭਰਤੀ ਹੋਣ ਦੇ ਬਾਅਦ ਰਾਜ ‘ਚ ਪਰਿਵਰਤਨ ਦੀਆਂ ਕਿਆਸ ਅਰਾਈਆਂ ਲਗਾਈਆਂ ਜਾ ਰਹੀਆਂ ਸਨ। ਇਸ ਸੰਦਰਭ ‘ਚ ਭਾਜਪਾ ਅਗਵਾਈ ਨੇ ਪਾਰਟੀ ਮਹਾਸਕੱਤਰ ਰਾਮਲਾਲ ਅਤੇ ਸੰਯੁਕਤ ਮੰਤਰੀ ਬੀ.ਐਲ. ਸੰਤੋਸ਼ ਨੂੰ ਗੋਆ ਭੇਜਿਆ ਸੀ। ਇਨ੍ਹਾਂ ਦੋਵਾਂ ਨੇਤਾਵਾਂ ਨੇ ਪਾਰਟੀ ਦੇ ਵਿਧਾਇਕਾਂ ਨਾਲ ਸਹਿਯੋਗੀ ਦਲਾਂ ਦੇ ਨੇਤਾਵਾਂ ਨਾਲ ਵੀ ਚਰਚਾ ਕੀਤੀ ਸੀ। ਇਸ ਵਿਚਾਲੇ ਕਾਂਗਰਸ ਨੇ ਵੀ ਸਰਕਾਰ ਬਣਾਉਣ ਦੀ ਦਾਅਵੇਦਾਰੀ ਜਤਾਈ ਸੀ।