ਸਰਕਾਰ ਨੇ 232 ਵਿਦੇਸ਼ੀ ਐਪ ਬਲਾਕ ਕੀਤੇ

ਨਵੀਂ ਦਿੱਲੀ, 5 ਫਰਵਰੀ- ਸਰਕਾਰ ਨੇ ਐਤਵਾਰ ਨੂੰ 232 ਵਿਦੇਸ਼ੀ ਐਪ ਬਲਾਕ ਕਰ ਦਿੱਤੇ ਹਨ ਜਿਨ੍ਹਾਂ ਵਿੱਚ ਚੀਨ ਦੇ ਕੁਝ ਐਪ ਵੀ ਸ਼ਾਮਲ ਹਨ। ਜਿਹੜੇ ਐਪ ਬਲਾਕ ਕੀਤੇ ਗਏ ਹਨ ਉਹ ਸ਼ਰਤਾਂ ਲਾਉਣ, ਜੂਆ ਤੇ ਅਣਅਧਿਕਾਰਤ ਕਰਜ਼ਾ ਸਹੂਲਤਾਂ ਨਾਲ ਸਬੰਧਤ ਹਨ। ਇਨ੍ਹਾਂ ਐਪਾਂ ਨੂੰ ਬਲਾਕ ਕਰਨ ਬਾਰੇ ਗ੍ਰਹਿ ਮੰਤਰਾਲੇ ਨੇ ਬੀਤੀ ਸ਼ਾਮ ਹਦਾਇਤਾਂ ਜਾਰੀ ਕੀਤੀਆਂ ਸਨ ਜਿਸ ਮਗਰੋਂ ਸੂਚਨਾ ਤਕਨੀਕ ਤੇ ਇਲੈਕਟ੍ਰਾਨਿਕਸ ਮੰਤਰਾਲੇ ਨੇ ਅੱਜ ਇਨ੍ਹਾਂ ਐਪਾਂ ਨੂੰ ਬਲਾਕ ਕਰਨ ਦੇ ਹੁਕਮ ਜਾਰੀ ਕੀਤੇ। ਇਸੇ ਦੌਰਾਨ ਸਰਕਾਰ ਨੇ ਬਲਾਕ ਕੀਤੇ ਐਪਾਂ ਦੇ ਨਾਂ ਨਸ਼ਰ ਨਹੀਂ ਕੀਤੇ ਹਨ।