ਸੰਕੇਤ ਸਾਗਰ ਨੇ ਵੇਟਲਿਫਟਿੰਗ ’ਚ ਚਾਂਦੀ ਦਾ ਤਮਗਾ ਜਿੱਤ ਕੇ ਭਾਰਤ ਦਾ ਰਾਸ਼ਟਰਮੰਡਲ ਖੇਡਾਂ ’ਚ ਖਾਤਾ ਖੋਲ੍ਹਿਆ

ਬਰਮਿੰਘਮ, 30 ਜੁਲਾਈ- ਭਾਰਤ ਦੇ ਸੰਕੇਤ ਮਹਾਦੇਵ ਸਾਗਰ ਨੇ ਰਾਸ਼ਟਰਮੰਡਲ ਖੇਡਾਂ ਵਿੱਚ ਪੁਰਸ਼ਾਂ ਦੇ 55 ਕਿਲੋਗ੍ਰਾਮ ਵੇਟਲਿਫਟਿੰਗ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤ ਕੇ ਭਾਰਤ ਦਾ ਖਾਤਾ ਖੋਲ੍ਹਿਆ ਹੈ। ਮਹਾਰਰਾਸ਼ਟਰ ਦੇ ਸਾਂਗਲੀ ਜ਼ਿਲ੍ਹੇ ਦਾ 21 ਸਾਲਾ ਸਾਗਰ ਸੋਨ ਤਮਗਾ ਜਿੱਤਣ ਦੀ ਰਾਹ ‘ਤੇ ਸੀ ਪਰ ਕਲੀਨ ਐਂਡ ਜਰਕ ‘ਚ ਦੋ ਵਾਰ ਅਸਫਲ ਰਹਿਣ ਬਾਅਦ ਉਹ ਇਕ ਕਿੱਲੋ ਤੋਂ ਖੁੰਝ ਗਿਆ। ਉਸ ਨੇ 248 ਕਿਲੋ (113 ਅਤੇ 135 ਕਿਲੋ) ਭਾਰ ਚੁੱਕ ਕੇ ਚਾਂਦੀ ਦਾ ਤਗਮਾ ਜਿੱਤਿਆ।