ਅਕਸ਼ੇ ਕੁਮਾਰ ਪਹੁੰਚੇ ਪਟਿਆਲਾ

ਪਟਿਆਲਾ, 3 ਅਪ੍ਰੈਲ (ਜਤਿਨ ਕੰਬੋਜ ਸੂਲਰ) :ਬਾਲੀਵੁੱਡ ਦੇ ਖਿਡਾਰੀ ਅਕਸ਼ੇ ਕੁਮਾਰ ਮੁੜ ਪੰਜਾਬ ਆ ਗਏ ਹਨ। ਇਸ ਵਾਰ ਆਪਣੀ ਸੀਕਵੈਲ ਫਿਲਮ ‘ਸਿੰਘ ਇਜ਼ ਬਲਿੰਗ’ ਲਈ ਪੰਜਾਬ ਆਏ ਹਨ। ਅੱਜ ਤੋਂ ਅਕਸ਼ੇ ਨੇ ਪਟਿਆਲਾ ‘ਚ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਸਿੰਘ ਦੇ ਰੂਪ ‘ਚ ਅਕਸ਼ੇ ਨੇ ਆਪਣੀ ਫੋਟੋ ਵੀ ਸ਼ੇਅਰ ਕੀਤੀ ਹੈ। ਅਕਸ਼ੇ ਕੁਮਾਰ ਕੱਲ੍ਹ ਹੀ ਪੰਜਾਬ ਪਹੁੰਚ ਗਏ ਸਨ। ਪਹਿਲਾਂ ਉਹ ਫਿਲਮ ਦੀ ਚੰਗੀ ਸ਼ੁਰੂਆਤ ਲਈ ਟੀਮ ਨਾਲ ਪਟਿਆਲਾ ਦੇ ਦੁੱਖ ਨਿਵਾਰਨ ਗੁਰਦੁਆਰੇ ਗਏ। ਅਕਸ਼ੇ ਦੀ ਇਸ ਫਿਲਮ ਦਾ ਨਿਰਦੇਸ਼ਨ ਪ੍ਰਭੂਦੇਵਾ ਕਰ ਰਹੇ ਹਨ। ‘ਸਿੰਘ ਇਜ਼ ਬਲਿੰਗ’ ਫਿਲਮ ‘ਸਿੰਘ ਇਜ਼ ਕਿੰਗ’ ਦਾ ਸੀਕਵੈਲ ਹੈ। ਅਦਾਕਾਰਾ ਕ੍ਰਿਤੀ ਸੈਨਨ ਨੇ ਫਿਲਮ ‘ਚ ਅਦਾਕਾਰਾ ਵਜੋਂ ਕੰਮ ਕਰਨਾ ਸੀ ਪਰ ਫਿਲਮ ਦੇ ਸ਼ੂਟ ‘ਚ ਦੇਰੀ ਹੋਣ ਕਰਕੇ, ਹੁਣ ਉਹ ਫਿਲਮ ‘ਚ ਨਹੀਂ ਹੈ। ਪੰਜਾਬ ਦੇ ਮਸ਼ਹੂਰ ਕਲਾਕਾਰ ਗੁਰਪ੍ਰੀਤ ਘੁੱਗੀ ਵੀ ਫਿਲਮ ਦਾ ਹਿੱਸਾ ਹਨ। ‘ਸਿੰਘ ਇਜ਼ ਬਲਿੰਗ’ ਤੋਂ ਪਹਿਲਾਂ ਅਕਸ਼ੇ ਦੀ ਫਿਲਮ ‘ਗੱਬਰ ਇਜ਼ ਬੈਕ’ 1 ਮਈ ਨੂੰ ਰਿਲੀਜ਼ ਹੋਵੇਗੀ।