ਏਅਰ ਇੰਡੀਆ ਵਲੋਂ ਸਿਡਨੀ ਤੇ ਮੈਲਬੋਰਨ ਤੋਂ ਵਾਧੂ ਉਡਾਣਾ ਸ਼ੁਰੂ ਕਰਨ ਦਾ ਐਲਾਨ

ਮੈਲਬੌਰਨ, 23 ਦੰਸਬਰ (ਪੰ. ਐ.)- ਏਅਰ ਇੰਡੀਆ ਨੇ ਨਵੇਂ ਸਾਲ ‘ਚ ਦਿੱਲੀ-ਸਿਡਨੀ-ਦਿੱਲੀ ਸੈਕਟਰ ‘ਤੇ ਵਾਧੂ ਉਡਾਣਾਂ ਚਲਾਉਣ ਦਾ ਐਲਾਨ ਕੀਤਾ ਹੈ।ਉਡਾਣਾਂ 3 ਜਨਵਰੀ ਤੋਂ 22 ਮਾਰਚ 2022 ਤੱਕ ਹਰ ਸੋਮਵਾਰ/ਮੰਗਲਵਾਰ ਨੂੰ ਚੱਲਣਗੀਆਂ। ਇਸ ਤੋਂ ਇਲਾਵਾ, 2 ਜਨਵਰੀ ਤੋਂ 27 ਮਾਰਚ 2022 ਤੱਕ ਦਿੱਲੀ ਅਤੇ ਮੈਲਬੌਰਨ ਵਿਚਕਾਰ ਹਰ ਐਤਵਾਰ ਉਡਾਣਾਂ ਚਲਣਗੀਆਂ।ਏਅਰਲਾਈਨ ਨੇ ਬੁੱਧਵਾਰ ਸਵੇਰੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਇਹ ਐਲਾਨ ਕੀਤਾ। ਇਹ ਏਅਰ ਇੰਡੀਆ ਵੱਲੋਂ ਨਵੰਬਰ ਵਿੱਚ ਦਿੱਲੀ-ਸਿਡਨੀ-ਦਿੱਲੀ ਰੂਟ ਅਤੇ 15 ਦਸੰਬਰ ਤੋਂ ਦਿੱਲੀ-ਮੈਲਬੋਰਨ-ਦਿੱਲੀ ਸੈਕਟਰ ‘ਤੇ ਉਡਾਣਾਂ ਮੁੜ ਸ਼ੁਰੂ ਕਰਨ ਤੋਂ ਬਾਅਦ ਹੈ। ਮੰਗਲਵਾਰ ਨੂੰ, ਏਅਰ ਇੰਡੀਆ ਨੇ ਜਨਵਰੀ 2022 ਵਿੱਚ ਹਰ ਐਤਵਾਰ ਨੂੰ ਦਿੱਲੀ ਅਤੇ ਹਾਂਗਕਾਂਗ ਵਿਚਕਾਰ ਵਾਧੂ ਉਡਾਣਾਂ ਦਾ ਵੀ ਐਲਾਨ ਕੀਤਾ।ਬੁਕਿੰਗ ਏਅਰ ਇੰਡੀਆ ਦੀ ਵੈੱਬਸਾਈਟ, ਬੁਕਿੰਗ ਦਫਤਰਾਂ, ਕਾਲ ਸੈਂਟਰ ਅਤੇ ਅਧਿਕਾਰਤ ਟਰੈਵਲ ਏਜੰਟਾਂ ਰਾਹੀਂ ਕੀਤੀ ਜਾ ਸਕਦੀ ਹੈ।