ਜਾਂਚ ਦੇ ਨਾਮ ’ਤੇ ਘਰਾਂ ਉਪਰ ਬੁਲਡੋਜ਼ਰ ਚਲਾਉਣ ਦੀ ਵਿਵਸਥਾ ਕਾਨੂੰਨ ਤਹਿਤ ਨਹੀਂ: ਗੁਹਾਟੀ ਹਾਈ ਕੋਰਟ

ਗੁਹਾਟੀ, 19 ਨਵੰਬਰ- ਗੁਹਾਟੀ ਹਾਈ ਕੋਰਟ ਨੇ ਜ਼ੋਰ ਦੇ ਕੇ ਕਿਹਾ ਹੈ ਕਿ ਭਾਵੇਂ ਕੋਈ ਏਜੰਸੀ ਬਹੁਤ ਗੰਭੀਰ ਮਾਮਲੇ ਦੀ ਜਾਂਚ ਕਰ ਰਹੀ ਹੋਵੇ, ਕਿਸੇ ਦੇ ਘਰ ’ਤੇ ਬੁਲਡੋਜ਼ ਚਲਾਉਣ ਦੀ ਵਿਵਸਥਾ ਕਿਸੇ ਵੀ ਅਪਰਾਧਿਕ ਕਾਨੂੰਨ ਵਿਚ ਨਹੀਂ ਹੈ। ਚੀਫ਼ ਜੱਜ ਜਸਟਿਸ ਆਰਐੱਮ ਛਾਇਆ ਨੇ ਇਹ ਟਿੱਪਣੀ ਅਸਾਮ ਦੇ ਨਗਾਓਂ ਜ਼ਿਲ੍ਹੇ ਵਿੱਚ ਅਗਜ਼ਨੀ ਦੀ ਘਟਨਾ ਵਿੱਚ ਮੁਲਜ਼ਮ ਦੇ ਘਰ ਨੂੰ ਢਾਹੇ ਜਾਣ ਸਬੰਧੀ ਹਾਈ ਕੋਰਟ ਵਿੱਚ ਚੱਲ ਰਹੇ ਕੇਸ ਦੀ ਸੁਣਵਾਈ ਦੌਰਾਨ ਕੀਤੀ।