ਮਹਾਰਾਸ਼ਟਰ: ਜੂਨੀਅਰ ਨਾਲ ਰੈਗਿੰਗ ਕਰਨ ਦੇ ਦੋਸ਼ ਹੇਠ ਐੱਮਬੀਬੀਐੱਸ ਦੇ 6 ਵਿਦਿਆਰਥੀ ਮੁਅੱਤਲ

ਨਾਗਪੁਰ (ਮਹਾਰਾਸ਼ਟਰ), 1 ਦਸੰਬਰ- ਨਾਗਪੁਰ ਦੇ ਸਰਕਾਰੀ ਮੈਡੀਕਲ ਕਾਲਜ ਦੇ ਛੇ ਐੱਮਬੀਬੀਐੱਸ ਇੰਟਰਨਜ਼ ਨੂੰ ਜੂਨੀਅਰ ਵਿਦਿਆਰਥੀ ਨਾਲ ਰੈਗਿੰਗ ਕਰਨ ਦੇ ਦੋਸ਼ ਵਿਚ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਕਾਲਜ ਦੇ ਅਧਿਕਾਰੀ ਨੇ ਦੱਸਿਆ ਕਿ ਮਹਾਰਾਸ਼ਟਰ ਦੇ ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ (ਜੀਐੱਮਸੀਐਚ) ਵਿੱਚ ਐੱਮਬੀਬੀਐੱਸ ਦੇ ਪਹਿਲੇ ਸਾਲ ਦੇ ਵਿਦਿਆਰਥੀ ਵੱਲੋਂ ਕੇਂਦਰੀ ਐਂਟੀ-ਰੈਗਿੰਗ ਕਮੇਟੀ ਨੂੰ ਕਥਿਤ ਰੈਗਿੰਗ ਦਾ ਵੀਡੀਓ ਭੇਜਣ ਤੋਂ ਬਾਅਦ ਇਹ ਕਾਰਵਾਈ ਕੀਤੀ ਗਈ।