ਸੂਲਰ ਰੋਡ ’ਤੇ ਲੰਗਰ ਲਗਾਇਆ

ਪਟਿਆਲਾ, 26 ਦਸੰਬਰ (ਕੰਬੋਜ)- ਸੂਲਰ ਰੋਡ ਦੀ ਮਾਰਕਿਟ ’ਚ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਸਮਰਪਿਤ ਰਾਜ ਕੁਮਾਰ ਰਾਜੂ ਤੇ ਸੁਖਮਨ ਮੈਡੀਕੋਜ਼ ਵਲੋਂ ਲੰਗਰ ਲਗਾਇਆ ਗਿਆ। ਇਸ ਮੌਕੇ ਸ੍ਰ. ਰਾਜਨਪ੍ਰੀਤ ਸਿੰਘ ਨੇ ਕਿਹਾ ਕਿ ਦਸਵੇਂ ਪਾਤਸ਼ਾਹ ਗੁਰੂ ਗੋਬਿੰਦ ਸਿੰਘ ਜੀ ਦੇ ਪਰਿਵਾਰ ਦੀ ਸ਼ਹਾਦਤ ਬਹੁਤ ਲਾਸਾਨੀ ਹੈ। ਉਨ੍ਹਾਂ ਛੋਟੇ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਕੋਟਿ-ਕੋਟਿ ਪ੍ਰਣਾਮ ਕਰਦਿਆਂ ਕਿਹਾ ਕਿ ਸਾਨੂੰ ਮਹਾਨ ਸ਼ਹੀਦਾਂ ਦੀਆਂ ਕੁਰਬਾਨੀਆਂ ਤੇ ਗੌਰਵਮਈ ਇਤਿਹਾਸ ਸਦਾ ਚੇਤੇ ਰੱਖਣਾ ਚਾਹੀਦਾ ਹੈ। ਰਾਜਨਪ੍ਰੀਤ ਸਿੰਘ ਨੇ ਕਿਹਾ ਕਿ ਸਾਨੂੰ ਸਭ ਧਰਮਾਂ ਦਾ ਸਤਿਕਾਰ ਕਰਦੇ ਹੋਏ ਇਕ-ਦੂਜੇ ਦੇ ਦਿਹਾੜੇ ਤੇ ਪੁਰਬ ਪੂਰੀ ਸ਼ਰਧਾ ਤੇ ਇਕਜੁੱਟਤਾ ਨਾਲ ਮਨਾਉਣੇ ਚਾਹੀਦੇ ਹਨ। ਇਸ ਮੌਕੇ ਰਾਜ ਕੁਮਾਰ ਰਾਜੂ, ਰਾਜਨਪ੍ਰੀਤ ਸਿੰਘ ਸੁਖਮਨ ਮੈਡੀਕੋਜ਼, ਸਾਹਿਲ, ਦਲੇਰ, ਮੇਸ਼ੀ ਆਦਿ ਹਾਜ਼ਰ ਸਨ।