ਪਾਇਲ: ਹੌਲਦਾਰ ਮਨਦੀਪ ਸਿੰਘ ਹਾਲੇ ਕੁੱਝ ਦਿਨ ਪਹਿਲਾਂ ਛੁੱਟੀ ਕੱਟ ਕੇ ਡਿਊਟੀ ’ਤੇ ਗਿਆ ਸੀ

ਪਾਇਲ, 21 ਅਪਰੈਲ- ਥਲ ਸੈਨਾ ’ਚ ਸਬ ਡਵੀਜ਼ਨ ਪਾਇਲ ਦੇ ਪਿੰਡ ਚਣਕੋਈਆਂ ਕਲਾਂ ਦਾ 39 ਸਾਲਾ ਹੌਲਦਾਰ ਮਨਦੀਪ ਸਿੰਘ ਪੁਣਛ ’ਚ ਸ਼ਹੀਦ ਹੋਣ ਵਾਲਿਆਂ ’ਚੋਂ ਇਕ ਹੈ। ਉਹ  ਸਾਬਕਾ ਸਰਪੰਚ ਰੂਪ ਸਿੰਘ ਦਾ ਪੁੱਤਰ ਸੀ। ਮਨਦੀਪ ਸਿੰਘ ਮਾਰਚ ’ਚ ਮਹੀਨੇ ਦੀ ਛੁੱਟੀ ਕੱਟ ਕੇ ਗਿਆ ਸੀ। ਉਹ ਤਿੰਨ ਭਰਾਵਾਂ ਵਿੱਚੋਂ ਸਭ ਤੋ ਵੱਡਾ ਸੀ। ਉਸ ਦੇ ਪਰਿਵਾਰ ’ਚ ਮਾਂ, ਪਤਨੀ, 11 ਸਾਲਾ ਅਤੇ 8 ਸਾਲਾ ਬੇਟਾ 8 ਹੈ। ਪਰਿਵਾਰਕ ਮੈਂਬਰਾਂ ਅਨੁਸਾਰ ਸ਼ਹੀਦ ਦਾ ਸਸਕਾਰ ਨੂੰ 22 ਅਪਰੈਲ ਨੂੰ ਪਿੰਡ ਵਿੱਚ ਹੋਵੇਗਾ।