ਅਸੀਂ ਨਹੀਂ ਚਾਹੁੰਦੇ ਸੁਪਰੀਮ ਕੋਰਟ ਤਰੀਕ ’ਤੇ ਤਰੀਕ ਦੀ ਅਦਾਲਤ ਬਣੇ: ਚੀਫ ਜਸਟਿਸ ਦੀ ਵਕੀਲਾਂ ਨੂੰ ਨਸੀਹਤ

ਨਵੀਂ ਦਿੱਲੀ, 3 ਨਵੰਬਰ- ਭਾਰਤ ਦੇ ਚੀਫ਼ ਜਸਟਿਸ ਡੀਵਾਈ ਚੰਦਰਚੂੜ ਨੇ ਅੱਜ ਵਕੀਲਾਂ ਨੂੰ ਨਵੇਂ ਮਾਮਲਿਆਂ ‘ਚ ਮੁਲਤਵੀ ਨਾ ਕਰਨ ਦੀ ਅਪੀਲ ਕਰਦੇ ਹੋਏ ਕਿਹਾ ਕਿ ਉਹ ਨਹੀਂ ਚਾਹੁੰਦੇ ਕਿ ਸੁਪਰੀਮ ਕੋਰਟ ‘ਤਰੀਕ ’ਤੇ ਤਰੀਕ’ ਦੀ ਅਦਾਲਤ ਬਣ ਜਾਵੇ। ਦਿਨ ਦੀ ਕਾਰਵਾਈ ਦੀ ਸ਼ੁਰੂਆਤ ਵਿੱਚ ਚੀਫ਼ ਜਸਟਿਸ ਨੇ ਵਕੀਲਾਂ ਵੱਲੋਂ ਨਵੇਂ ਕੇਸਾਂ ਵਿੱਚ ਸੁਣਵਾਈ ਮੁਲਤਵੀ ਕਰਨ ਦੀ ਬੇਨਤੀ ਦਾ ਮੁੱਦਾ ਉਠਾਉਂਦਿਆਂ ਕਿਹਾ ਕਿ ਦੋ ਮਹੀਨਿਆਂ ਵਿੱਚ ਵਕੀਲਾਂ ਨੇ 3,688 ਕੇਸਾਂ ਵਿੱਚ ਸੁਣਵਾਈ ਮੁਲਤਵੀ ਕਰਨ ਦੀ ਬੇਨਤੀ ਕੀਤੀ ਹੈ।