ਜ਼ਮੈਟੋ ਤੇ ਸਵਿੱਗੀ ਨੇ ਪ੍ਰਤੀ ਆਰਡਰ ਪਲੇਟਫਾਰਮ ਫੀਸ 20 ਫੀਸਦੀ ਵਧਾਈ

ਨਵੀਂ ਦਿੱਲੀ, 15 ਜੁਲਾਈ- ਜ਼ਮੈਟੋ ਤੇ ਸਵਿੱਗੀ ਨੇ ਹੁਣ ਪ੍ਰਤੀ ਆਰਡਰ ਪਲੇਟਫਾਰਮ ਫੀਸ ਵੀਹ ਫੀਸਦੀ ਵਧਾ ਦਿੱਤੀ ਹੈ। ਹੁਣ ਪ੍ਰਤੀ ਆਰਡਰ ’ਤੇ ਪੰਜ ਰੁਪਏ ਦੀ ਥਾਂ ਛੇ ਰੁਪਏ ਦੇਣੇ ਪੈਣਗੇ। ਇਸ ਨਾਲ ਫੂਡ ਡਲਿਵਰੀ ਕਰਨ ਵਾਲੇ ਜ਼ਮੈਟੋ ਤੇ ਸਵਿੱਗੀ ਪ੍ਰਤੀ ਦਿਨ ਸਵਾ ਤੋਂ ਡੇਢ ਕਰੋੜ ਰੁਪਏ ਜੁਟਾਉਣਗੇ। ਦਿੱਲੀ ਤੇ ਬੰਗਲੁਰੂ ਵਿਚ ਪਲੇਟਫਾਰਮ ਫੀਸ ਬਾਕੀ ਟੈਕਸਾਂ ਨਾਲ ਵੱਖ ਹੈ। ਜ਼ਮੈਟੋ ਨੇ ਇਸ ਸਾਲ ਅਪਰੈਲ ਵਿਚ ਪਲੇਟਫਾਰਮ ਫੀਸ ਵਿਚ 25 ਫੀਸਦੀ ਵਾਧਾ ਕੀਤਾ ਸੀ। ਦੱਸਣਾ ਬਣਦਾ ਹੈ ਕਿ ਪਲੇਟਫਾਰਮ ਫੀਸ ਪਿਛਲੇ ਸਾਲ ਤੋਂ ਹੀ ਸ਼ੁਰੂ ਕੀਤੀ ਗਈ ਸੀ।