ISRO ਦੇ PSLV ਨੇ ਸਫਲਤਾਪੂਰਬਕ ਗ੍ਰਹਿਪੰਧ ’ਤੇ ਪਾਏ ਯੂਰਪੀਅਨ ਸਪੇਸ ਏਜੰਸੀ ਦੇ ਦੋ ਉਪਗ੍ਰਹਿ

ਸ੍ਰੀਹਰੀਕੋਟਾ (ਆਂਧਰਾ ਪ੍ਰਦੇਸ਼), 5 ਦਸੰਬਰ : ਸ਼ੁੱਧਤਾ-ਉਡਾਣ ਦੀ ਸ਼ਮੂਲੀਅਤ ਵਾਲੀ ਆਪਣੀ ਕਿਸਮ ਦੀ ਪਹਿਲੀ ਪਹਿਲਕਦਮੀ ਵਿੱਚ ਭਾਰਤੀ ਪੁਲਾੜ ਖੋਜ ਸੰਸਥਾ (ISRO) ਨੇ ਵੀਰਵਾਰ ਨੂੰ ਇੱਕ PSLV-C59 ਰਾਕੇਟ ਰਾਹੀਂ  ਯੂਰਪੀਅਨ ਸਪੇਸ ਏਜੰਸੀ ਦਾ  ਪ੍ਰੋਬਾ-3 ਮਿਸ਼ਨ (Proba-3 mission) ਸਫਲਤਾਪੂਰਵਕ ਲਾਂਚ ਕੀਤਾ। ਇਹ ਯੂਰਪੀਅਨ ਸਪੇਸ ਏਜੰਸੀ (European Space Agency – ESA) ਦਾ ਇਕ ਸੂਰਜੀ ਤਜਰਬਾ ਹੈ।

ਇਸਰੋ ਚੇਅਰਮੈਨ ਐਸ ਸੋਮਨਾਥ ਨੇ ਕਿਹਾ ਕਿ ਇਸਰੋ ਨੇ ਦੋ ਉਪਗ੍ਰਹਿਆਂ ਨੂੰ ਲਾਂਚ ਤੋਂ ਕਰੀਬ 18 ਮਿੰਟ ਬਾਅਦ ‘ਰਾਈਟ ਔਰਬਿਟ’ ਵਿੱਚ ਰੱਖਿਆ। ਗ਼ੌਰਤਲਬ ਹੈ ਕਿ ਪ੍ਰੋਬਾ-3 (ਆਨਬੋਰਡ ਆਟੋਨੋਮੀ ਲਈ ਪ੍ਰੋਜੈਕਟ) ਮਿਸ਼ਨ ਵਿੱਚ ਦੋ ਉਪਗ੍ਰਹਿ ਸ਼ਾਮਲ ਹੈ ਅਤੇ ਇਨ੍ਹਾਂ ਉਪਗ੍ਰਹਿਆਂ ਦੇ ਅੰਦਰ ਦੋ ਪੁਲਾੜ ਵਾਹਨ ਰੱਖੇ ਗਏ। ਇਹ ਪੁਲਾੜ ਵਾਹਨ ਇਕੱਠਿਆਂ ਇੱਕ-ਰੂਪ ਹੋ ਕੇ ਉੱਡਣਗੇ ਅਤੇ ਇਸ ਤਰ੍ਹਾਂ ਉਡਦੇ ਹੋਏ ਇੱਕ ਮਿਲੀਮੀਟਰ ਤੱਕ ਦੀ ਸਟੀਕਤਾ ਨੂੰ  ਗਠਨ ਕਾਇਮ ਰੱਖਦੇ ਹੋਏ ਸੂਰਜ ਦੇ ਬਾਹਰੀ ਵਾਯੂਮੰਡਲ ਦਾ ਅਧਿਐਨ ਕਰਨਗੇ।