ਸੈਂਚੂਰੀ ਇਨਕਲੇਵ ਚੌਂਕੀ ਦੇ ਇੰਚਾਰਜ ਦਾ ਸਨਮਾਨ

ਪਟਿਆਲਾ, 25 ਜਨਵਰੀ (ਪ ਪ)- ਸੈਂਟਰਲ ਵਾਲਮੀਕਿ ਸਭਾ ਇੰਡੀਆ ਦੇ ਰੌਣੀ ਪਿੰਡ ਸਥਿਤ ਜ਼ਿਲ੍ਹਾ ਦਿਹਾਤੀ ਦਫਤਰ ਵਿਖੇ ਸੈਂਚੂਰੀ ਇਨਕਲੇਵ ਚੌਂਕੀ ਦੇ ਇੰਚਾਰਜ ਗੁਰਬਿੰਦਰ ਸਿੰਘ ਨੂੰ ਸਿਰੋਪਾਓ ਦੇ ਕੇ ਸਨਮਾਨ ਕੀਤਾ ਗਿਆ। ਸੈਂਟਰਲ ਵਾਲਮੀਕਿ ਸਭਾ ਇੰਡੀਆ ਦੇ ਜ਼ਿਲ੍ਹਾ ਪ੍ਰਧਾਨ ਸੰਦੀਪ ਵਾਲਮੀਕਿ ਆਸੇਮਾਜਰਾ ਨੇ ਚੌਂਕੀ ਇੰਚਾਰਜ ਗੁਰਬਿੰਦਰ ਸਿੰਘ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਅਮਨ ਕਾਨੂੰਨ ਕਾਇਮ ਰੱਖਣ ਤੇ ਨਸ਼ੇ ਰਹਿਤ ਤੇ ਨਰੋਸਾ ਸਮਾਜ ਸਿਰਜਣ ਲਈ ਪੰਜਾਬ ਪੁਲਿਸ ਦੀ ਬਹੁਤ ਵੱਡੀ ਭੂਮਿਕਾ ਹੈ। ਉਨ੍ਹਾਂ ਕਿਹਾ ਕਿ ਸੈਂਚੂਰੀ ਇਨਕਲੇਵ ਪੁਲਿਸ ਦੀ ਹਮੇਸ਼ਾਂ ਵਧੀਆ ਕਾਰਗੁਜ਼ਾਰੀ ਰਹੀ ਹੈ। ਇੰਚਾਰਜ ਗੁਰਬਿੰਦਰ ਸਿੰਘ ਨੇ ਕਿਹਾ ਕਿ ਗੈਰ ਸਮਾਜਿਕ ਅਨਸਰਾਂ ਨੂੰ ਨੱਥ ਪਾਉਣ ਲਈ ਆਮ ਲੋਕਾਂ ਦਾ ਸਹਿਯੋਗ ਜ਼ਰੂਰੀ ਹੈ ਅਤੇ ਅਸੀਂ ਲੋਕਾਂ ਨੂੰ ਇਨਸਾਫ ਦਿਵਾਉਣ ਲਈ ਚੌਵੀਂ ਘੰਟੇ ਹਾਜ਼ਰ ਹਾਂ। ਇਸ ਮੌਕੇ ਹੌਲਦਾਰ ਸੁਖਪ੍ਰੀਤ ਸਿੰਘ, ਪਿੰਡ ਰੌਣੀ ਦੇ ਸਰਪੰਚ ਪਿੰਦਰ ਸਿੰਘ, ਸੰਦੀਪ ਵਾਲਮੀਕਿ ਆਸੇਮਾਜਰਾ, ਪੰਚਾਇਤ ਮੈਂਬਰ ਸੰਤੋਖ ਕੁਮਾਰ, ਸ਼ੈਂਟੀ, ਬਲਵੰਤ ਸਿੰਘ, ਕਿਰਤ ਸਿੰਘ ਆਦਿ ਹਾਜ਼ਰ ਸਨ।