ਮੈਥੋਡਿਸਟ ਚਰਚ ਦੇ ਬਿਸ਼ਪਾਂ ਦੀ ਸੇਵਾ ਮੁਕਤੀ ਨਾਲ ਨਵੇਂ ਬਿਸ਼ਪਾਂ ਦੀ ਨਿਯੁਕਤੀ ਦਾ ਰਾਹ ਖੁੱਲ੍ਹਿਆ

ਪਟਿਆਲਾ, 30 ਅਪ੍ਰੈਲ (ਪ. ਪ.)- ਬੀਤੇ ਦਿਨੀਂ ਮੈਥੋਡਿਸਟ ਚਰਚ ਆਫ ਇੰਡੀਆ ਦੇ ਚਾਰ ਬਿਸ਼ਪ ਨੂੰ ਸੇਵਾ ਮੁਕਤੀ ਕਰ ਦਿੱਤਾ ਗਿਆ, ਜਿਸ ਨਾਲ ਨਵੇਂ ਬਿਸ਼ਪਾਂ ਦੀ ਨਿਯੁਕਤੀ ਦਾ ਰਸਤਾ ਖੁੱਲ ਗਿਆ। ਦਿੱਲੀ ਰੀਜਨਲ ਕਾਨਫਰੰਸ (ਡੀ. ਆਰ. ਸੀ.) ਦੇ ਵਿਚ ਡਾ. ਈ. ਪੀ. ਸੈਮੂਅਲ ਨੂੰ ਨਵੇਂ ਬਿਸ਼ਪ ਨਿਯੁਕਤ ਕੀਤਾ ਗਿਆ, ਜਿਸ ਦਾ ਸੈਨੇਟਰੀ ਮੈਥੋਡਿਸਟ ਚਰਚ ਦੇ ਸੀਨੀਅਰ ਮੈਂਬਰਾਂ ਵਲੋਂ ਅਤੇ ਮੈਥੋਡਿਸਟ ਚਰਚ ਪਟਿਆਲਾ ਦੇ ਮੈਂਬਰਾਂ ਵਲੋਂ ਭਰਵਾਂ ਸਵਾਗਤ ਕਰਦਿਆਂ ਇਸ ਨੂੰ ਸ਼ਲਾਘਾਯੋਗ ਫੈਸਲਾ ਦੱਸਿਆ। ਪੁਰਾਣੇ ਬਿਸ਼ਪ ਸਬੋਧ ਸੀ. ਮੰਡਲ ਦੇ ਸੇਵਾ ਮੁਕਤ ਹੋਣ ਤੇ ਨਵੇਂ ਬਿਸ਼ਪਾਂ ਦੇ ਆਉਣ ਨਾਲ ਸਭ ਨੂੰ ਖਾਸ ਕਰ ਮੈਥੋਡਿਸਟ ਚਰਚ ਪਟਿਆਲਾ ਵਿਚ ਸੁੱਖ ਦਾ ਸਾਹ ਆਇਆ ਹੈ, ਕਿਉਂਕਿ ਨਵ-ਨਿਯੁਕਤ ਬਿਸ਼ਪ ਡਾ. ਏ. ਪੀ. ਸੈਮੂਅਲ ਵਲੋਂ ਹੀ ਹੁਣ ਮੈਥੋਡਿਸਟ ਚਰਚ ਆਫ ਇੰਡੀਆ ਦਾ ਕੰਮ-ਕਾਜ ਚਲਾਇਆ ਜਾਵੇਗਾ। ਪਟਿਆਲਾ ਚਰਚ ਦੇ ਸਾਬਕਾ ਸੈਕਟਰੀ ਇੰਜ: ਐਨ. ਐਮ. ਗਿੱਲ ਨੇ ਦੱਸਿਆ ਕਿ ਇਥੋਂ ਦੇ ਪਾਸਟਰ ਸਰੀਫ ਮਸੀਹ ਪੁਰਾਣੇ ਬਿਸ਼ਪ ਦੀ ਛੱਤਰ ਛਾਇਆ ਹੇਠ ਪਿਛਲੇ 15 ਸਾਲਾਂ ਤੋਂ ਇਥੇ ਕੰਮ ਕਾਰ ਸੰਭਾਲ ਰਹੇ ਹਨ, ਜਦਕਿ ਇਕ ਸਟੇਸ਼ਨ ’ਤੇ ਇਨ੍ਹਾਂ ਦਾ ਸਮਾਂ 5 ਸਾਲ ਦਾ ਹੁੰਦਾ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ ਮੈਥੋਡਿਸਟ ਚਰਚ ਪਟਿਆਲਾ ਵਿਚ ਦਾਨ ਨੂੰ ਲੈ ਕੇ ਵੀ ਵਿਵਾਦ ਚੱਲ ਰਿਹਾ ਹੈ। ਕੁੱਲ ਮਿਲਾ ਕੇ ਸਭ ਚਰਚ ਦੇ ਮੈਂਬਰਾਂ ਨੂੰ ਇਸ ਫੈਸਲੇ ਨਾਲ ਕੁਝ ਉਮੀਦ ਜਾਗੀ ਹੈ ਕਿ ਆਉਣ ਵਾਲੇ ਸਮੇਂ ਨਿਰਪੱਖ ਅਤੇ ਇਮਾਨਦਾਰ ਪਾਸਟਰ, ਡੀ. ਐਸ. ਦੀ ਨਿਯੁਕਤੀ ਹੋਏਗੀ।