ਦਿੱਲੀ ਦੰਗੇ: ਅਦਾਲਤ ਨੇ ਲੋੜੀਂਦੇ ਦਸਤਾਵੇਜ਼ ਤਿਆਰ ਨਾ ਕਰਨ ਲਈ ਪੁਲੀਸ ਅਧਿਕਾਰੀ ਝਾੜਿਆ

ਨਵੀਂ ਦਿੱਲੀ, 10 ਜੁਲਾਈ : ਦਿੱਲੀ ਦੀ ਇੱਕ ਅਦਾਲਤ ਨੇ ਫਰਵਰੀ 2020 ਦੇ ਦੰਗਿਆਂ ਦੇ ਇੱਕ ਕੇਸ ਵਿੱਚ ਲੋੜੀਂਦੀਆਂ ਕਾਪੀਆਂ ਮੁਲਜ਼ਮਾਂ ਨੂੰ ਮੁਹੱਈਆ ਨਾ ਕਰਵਾ ਕੇ ਦੇਰੀ ਕਰਨ ਲਈ ਇੱਕ ਪੁਲੀਸ ਅਧਿਕਾਰੀ ਨੂੰ ਫਟਕਾਰ ਲਾਈ ਹੈ। ਐਡੀਸ਼ਨਲ ਸੈਸ਼ਨ ਜੱਜ ਪਰਵੀਨ ਸਿੰਘ ਨੇ 4 ਜੁਲਾਈ ਨੂੰ ਕਿਹਾ ਕਿ ਪ੍ਰੌਸੀਕਿਊਸ਼ਨ ਨੇ ਇੱਕ ਸਪਲੀਮੈਂਟਰੀ ਚਾਰਜਸ਼ੀਟ, ਫੋਰੈਂਸਿਕ ਸਾਇੰਸ ਲੈਬਾਰਟਰੀ (FSL) ਰਿਪੋਰਟ ਅਤੇ ਮੁਲਜ਼ਮਾਂ ਵਿਰੁੱਧ ਸਬੂਤ ਵਾਲੀ ਇੱਕ ਪੈਨ ਡਰਾਈਵ ਦਾਖਲ ਕੀਤੀ ਸੀ। ਅਦਾਲਤ ਨੇ ਕਿਹਾ, ‘‘ਹਾਲਾਂਕਿ, ਜਾਂਚ ਅਧਿਕਾਰੀ (IO) ਨੇ ਮੁਲਜ਼ਮਾਂ ਨੂੰ ਮੁਹੱਈਆ ਕਰਵਾਉਣ ਲਈ ਕਾਪੀਆਂ ਤਿਆਰ ਨਹੀਂ ਕੀਤੀਆਂ। ਨੋਟ ਕੀਤਾ ਗਿਆ ਹੈ ਕਿ ਜਾਂਚ ਅਧਿਕਾਰੀ ਸਵੇਰੇ 10.30 ਵਜੇ ਤੱਕ ਅਦਾਲਤ ਵਿੱਚ ਪੇਸ਼ ਨਹੀਂ ਹੋਇਆ, ਅਤੇ ਜਦੋਂ ਪੇਸ਼ ਹੋਇਆ ਤਾਂ ਉਹ ਮੁਲਜ਼ਮਾਂ ਲਈ ਬਿਨਾਂ ਕਿਸੇ ਕਾਪੀ ਦੇ ਪੇਸ਼ ਹੋਇਆ। ਜਾਂਚ ਅਧਿਕਾਰੀ ਦੇ ਇਸ ਵਤੀਰੇ ਕਾਰਨ ਮਾਮਲੇ ਵਿੱਚ ਦੇਰੀ ਹੋਈ ਹੈ।’’