ਲੀਹ ’ਤੇ ਆਉਣ ਲੱਗੀਆਂ ਇੰਡੀਗੋ ਦੀਆਂ ਉਡਾਣਾਂ

ਨਵੀਂ ਦਿੱਲੀ, 13 ਦਸੰਬਰ : ਦੇਸ਼ ਦੀ ਸਭ ਤੋਂ ਵੱਡੀ ਏਅਰਲਾਈਨ ਇੰਡੀਗੋ ਸੰਕਟ ਵਿਚੋਂ ਉਭਰ ਕੇ ਲੀਹ ’ਤੇ ਆ ਗਈ ਜਾਪਦੀ ਹੈ। ਇਹ ਏਅਰਲਾਈਨਜ਼ ਅੱਜ 2,050 ਤੋਂ ਵੱਧ ਉਡਾਣਾਂ ਚਲਾ ਰਹੀ ਹੈ। ਇੰਡੀਗੋ ਦੇ ਬੁਲਾਰੇ ਨੇ ਦੱਸਿਆ ਕਿ ਉਨ੍ਹਾਂ ਦੀ ਏਅਰਲਾਈਨ ਨੇ ਲਗਾਤਾਰ ਪੰਜਵੇਂ ਦਿਨ ਆਪਣੀ ਸੰਚਾਲਨ ਸਥਿਰਤਾ ਬਣਾਈ ਰੱਖੀ ਹੈ ਤੇ ਉਨ੍ਹਾਂ ਦੀਆਂ ਉਡਾਣਾਂ ਸਾਰੀਆਂ 138 ਮੰਜ਼ਿਲਾਂ ’ਤੇ ਚੱਲੀਆਂ ਹਨ।ਇੰਡੀਗੋ ਨੇ ਕਿਹਾ ਕਿ 8 ਦਸੰਬਰ ਨੂੰ 1,700 ਤੋਂ ਵੱਧ ਉਡਾਣਾਂ ਚਲਾਈਆਂ ਗਈਆਂ ਸਨ ਅਤੇ ਸਿਰਫ਼ ਇੱਕ ਨੂੰ ਰੱਦ ਕੀਤਾ ਗਿਆ ਸੀ। 9 ਦਸੰਬਰ ਨੂੰ 1800 ਤੋਂ ਵੱਧ ਉਡਾਣਾਂ ਚਲਾਈਆਂ ਗਈਆਂ ਸਨ। 10 ਦਸੰਬਰ ਨੂੰ 1900 ਤੋਂ ਵੱਧ ਉਡਾਣਾਂ ਚਲਾਈਆਂ ਗਈਆਂ ਸਨ ਅਤੇ ਦੋ ਉਡਾਣਾਂ ਰੱਦ ਕੀਤੀਆਂ ਗਈਆਂ ਸਨ। 11 ਦਸੰਬਰ ਨੂੰ 1950 ਤੋਂ ਵੱਧ ਉਡਾਣਾਂ ਚਲਾਈਆਂ ਗਈਆਂ ਸਨ ਅਤੇ ਚਾਰ ਉਡਾਣਾਂ ਰੱਦ ਕੀਤੀਆਂ ਗਈਆਂ ਸਨ। 12 ਦਸੰਬਰ ਨੂੰ 2050 ਤੋਂ ਵੱਧ ਉਡਾਣਾਂ ਚਲਾਈਆਂ ਗਈਆਂ ਸਨ ਅਤੇ ਦੋ ਉਡਾਣਾਂ ਰੱਦ ਕੀਤੀਆਂ ਗਈਆਂ ਸਨ। 13 ਦਸੰਬਰ ਨੂੰ 2050 ਤੋਂ ਵੱਧ ਉਡਾਣਾਂ ਚੱਲਣ ਦੀ ਉਮੀਦ ਹੈ।