ਵਿਸ਼ਵ ਪ੍ਰਸਿੱਧ ਗੀਤਕਾਰ ਜਸਬੀਰ ਗੁਣਾਚੌਰੀਆ ਦਾ ਸਕਾਟਲੈਂਡ ਵਿੱਚ ਸਨਮਾਨ

ਐੱਨ ਆਰ ਆਈ ਯੂਨੀਅਨ, ਸਿੱਖ ਮੋਟਰਸਾਈਕਲ ਕਲੱਬ ਤੇ ਪੰਜ ਦਰਿਆ ਨੇ ਉਲੀਕਿਆ ਸਮਾਗਮ

ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ):
ਪੰਜਾਬੀ ਗਾਇਕੀ ਵਿੱਚ 500 ਤੋਂ ਵਧੇਰੇ ਰਿਕਾਰਡ ਗੀਤਾਂ ਨਾਲ ਆਪਣਾ ਯੋਗਦਾਨ ਪਾ ਚੁੱਕੇ ਵਿਸ਼ਵ ਪ੍ਰਸਿੱਧ ਗੀਤਕਾਰ ਜਸਬੀਰ ਗੁਣਾਚੌਰੀਆ ਦਾ ਸਕਾਟਲੈਂਡ ਪਹੁੰਚਣ ‘ਤੇ ਭਰਵਾਂ ਸਵਾਗਤ ਕੀਤਾ ਗਿਆ।

ਇਹ ਸਮਾਗਮ ਗਰਾਈਂ ਨੌਜਵਾਨ ਕਾਰੋਬਾਰੀ ਨਵਜੋਤ ਗੋਸਲ, ਬੂਟਾ ਸਿੰਘ ਤੂਰ, ਗੁਰਬਿੰਦਰ ਸ਼ੇਰਗਿਲ, ਸੋਢੀ ਬਾਗੜੀ, ਚੰਨੀ ਵਿਰਕ ਦੇ ਵਿਸ਼ੇਸ਼ ਉਪਰਾਲੇ ਨਾਲ, ਅਤੇ ਐੱਨ ਆਰ ਆਈ ਯੂਨੀਅਨ ਸਕਾਟਲੈਂਡ, ਸਿੱਖ ਮੋਟਰਸਾਈਕਲ ਕਲੱਬ ਸਕਾਟਲੈਂਡ ਤੇ ਪੰਜ ਦਰਿਆ ਅਖਬਾਰ ਦੇ ਸਹਿਯੋਗ ਨਾਲ, ਕਿਰਕਨਟਿਲਕ ਦੇ ਗਰੈਵਿਟੀ ਸੁਇਟ ਵਿੱਚ ਆਯੋਜਿਤ ਕੀਤਾ ਗਿਆ।

ਵੱਡੀ ਗਿਣਤੀ ਵਿੱਚ ਪਹੁੰਚੇ ਪੰਜਾਬੀਆਂ ਤੇ ਪੰਜਾਬਣਾਂ ਨੇ ਜਸਬੀਰ ਗੁਣਾਚੌਰੀਆ ਦਾ ਜੋਸ਼ੀਲਾ ਸਵਾਗਤ ਕੀਤਾ ਅਤੇ ਉਹਨਾਂ ਦੇ ਹੱਥੋਂ ਕੇਕ ਕਟਵਾ ਕੇ ਸਮਾਰੋਹ ਦੀ ਸ਼ੁਰੂਆਤ ਕੀਤੀ।

ਮੰਚ ਸੰਚਾਲਕ ਮਨਦੀਪ ਖੁਰਮੀ ਹਿੰਮਤਪੁਰਾ ਨੇ ਜਸਬੀਰ ਗੁਣਾਚੌਰੀਆ, ਬੂਟਾ ਸਿੰਘ ਤੂਰ, ਸੋਢੀ ਬਾਗੜੀ ਤੇ ਅਮਨਦੀਪ ਸਿੰਘ ਨੂੰ ਮੰਚ ‘ਤੇ ਬਿਰਾਜਮਾਨ ਹੋਣ ਦਾ ਸੱਦਾ ਦਿੱਤਾ।
ਇਸ ਤੋਂ ਬਾਅਦ ਨਵਜੋਤ ਸਿੰਘ ਗੋਸਲ, ਬੂਟਾ ਸਿੰਘ ਤੂਰ, ਸੋਢੀ ਬਾਗੜੀ, ਅਮਨਦੀਪ ਸਿੰਘ, ਲਖਵੀਰ ਸਿੱਧੂ, ਤਾਜ ਕੂਨਰ ਆਦਿ ਨੇ ਗੁਣਾਚੌਰੀਆ ਨੂੰ ਜੀ ਆਇਆਂ ਆਖਿਆ।

ਸਨਮਾਨ ਸਮਾਰੋਹ ਦੌਰਾਨ ਸਕਾਟਲੈਂਡ ਦੇ ਪੰਜਾਬੀਆਂ ਵੱਲੋਂ ਗੁਣਾਚੌਰੀਆ ਨੂੰ ਸਨਮਾਨ ਚਿੰਨ ਭੇਂਟ ਕੀਤਾ ਗਿਆ ਅਤੇ ਪੰਜ ਦਰਿਆ ਅਖ਼ਬਾਰ ਵੱਲੋਂ ਹਿੰਮਤ ਖੁਰਮੀ ਨੇ ਪ੍ਰਸ਼ੰਸਾ ਪੱਤਰ ਭੇਂਟ ਕੀਤਾ।

ਇਸੇ ਮੰਚ ‘ਤੇ ਸਕੂਨ ਮਾਈਂਡ ਚੈਰਟੀ ਦੇ ਉਪਰਾਲਿਆਂ ਲਈ ਤਾਜ ਕੂਨਰ ਤੇ ਸੰਦੀਪ ਕੌਰ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਮੀਡੀਆ ਰਾਹੀਂ ਸੇਵਾ ਕਰਨ ਲਈ ਮਨਦੀਪ ਖੁਰਮੀ ਹਿੰਮਤਪੁਰਾ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।

ਸੰਬੋਧਨ ਦੌਰਾਨ ਹਿੰਮਤ ਖੁਰਮੀ ਨੇ ਗੁਣਾਚੌਰੀਆ ਨੂੰ ਵਧਾਈ ਦਿੰਦਿਆਂ ਐੱਨ ਆਰ ਆਈ ਯੂਨੀਅਨ ਸਕਾਟਲੈਂਡ, ਸਿੱਖ ਮੋਟਰਸਾਈਕਲ ਕਲੱਬ ਤੇ ਪੰਜ ਦਰਿਆ ਅਖਬਾਰ ਦੇ ਉਪਰਾਲੇ ਦੀ ਸ਼ਲਾਘਾ ਕੀਤੀ।

ਰੰਗਾ ਰੰਗ ਪ੍ਰੋਗਰਾਮ ਦੌਰਾਨ ਸੋਢੀ ਬਾਗੜੀ, ਤਰਸੇਮ ਪੁੰਜ, ਜਸਵਿੰਦਰ ਕਲੇਰ, ਅਮਨਦੀਪ ਸਿੰਘ ਨੇ ਗੀਤਾਂ ਅਤੇ ਸ਼ਾਇਰੀ ਨਾਲ ਹਾਲ ਨੂੰ ਰੌਣਕਾਂ ਨਾਲ ਭਰਿਆ।

ਜਦੋਂ ਜਸਬੀਰ ਗੁਣਾਚੌਰੀਆ ਨੂੰ ਆਪਣੇ ਜੀਵਨ ਸਫਰ ਬਾਰੇ ਗੀਤਾਂ ਰਾਹੀਂ ਗੱਲ ਕਰਨ ਲਈ ਬੁਲਾਇਆ ਗਿਆ ਤਾਂ ਹਾਲ ਤਾਲੀਆਂ ਨਾਲ ਗੂੰਜ ਉੱਠਿਆ।

ਉਹਨਾਂ ਆਪਣੇ ਪਹਿਲੇ ਗੀਤ ਤੋਂ ਲੈ ਕੇ 500 ਤੋਂ ਵਧੇਰੇ ਰਿਕਾਰਡ ਗੀਤਾਂ ਦੇ ਰਚੇਤਾ ਹੋਣ ਤੱਕ ਦਾ ਸਫਰ ਬਹੁਤ ਹੀ ਰੌਚਕ ਢੰਗ ਨਾਲ ਬਿਆਨ ਕੀਤਾ।
ਉਹਨਾਂ ਨੇ ਆਪਣੇ ਹਿੱਟ ਗੀਤਾਂ ਜਿਵੇਂ —

• ਕਿਤੇ ਕੱਲੀ ਬਹਿ ਕੇ ਸੋਚੀਂ ਨੀ,

• ਟਿਕਟ ਕਰਾ ਲਈ ਚੋਰੀ ਚੋਰੀ,

• ਸਾਡਿਆਂ ਪਰਾਂ ‘ਤੇ ਸਿੱਖੀ ਉੱਡਣਾ,

• ਜਿੰਦੇ ਨੀ ਜਿੰਦੇ

ਆਦਿ ਗਾ ਕੇ ਹਾਜ਼ਰੀਨ ਦਾ ਮਨ ਮੋਹ ਲਿਆ।

ਉਹਨਾਂ ਕਿਹਾ ਕਿ ਸਕਾਟਲੈਂਡ ਦਾ ਕੁਦਰਤੀ ਸੁਹੱਪਣ ਤੇ ਪੰਜਾਬੀਆਂ ਵੱਲੋਂ ਦਿੱਤਾ ਮਾਣ ਉਹਨਾਂ ਲਈ ਜੀਵਨ ਭਰ ਯਾਦਗਾਰ ਰਹੇਗਾ।

ਅਖੀਰ ਵਿੱਚ ਬੂਟਾ ਸਿੰਘ ਤੂਰ ਅਤੇ ਸੋਢੀ ਬਾਗੜੀ ਨੇ ਦੂਰੋਂ ਨੇੜਿਓਂ ਆਏ ਗੁਣਾਚੌਰੀਆ ਦੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕੀਤਾ।

ਇਹ ਰੂਬਰੂ ਤੇ ਸਨਮਾਨ ਸਮਾਰੋਹ ਦੇਰ ਰਾਤ ਤੱਕ ਚੱਲਦਾ ਰਿਹਾ ਅਤੇ ਅਨੇਕਾਂ ਯਾਦਾਂ ਛੱਡਦਾ ਸੰਪੰਨ ਹੋਇਆ।

ਸਮਾਗਮ ਵਿੱਚ ਸਤਨਾਮ ਸਿੰਘ ਢਿੱਲੋਂ, ਗੈਰੀ ਸਿੱਧੂ, ਸੁਖ ਸਿੰਧੜ, ਭੁਪਿੰਦਰ ਬੌਬੀ ਨਿੱਝਰ, ਜਸਪਾਲ ਸਿੰਘ ਪਾਲਾ ਖਾਨੋਵਾਲੀਆ, ਤਜਿੰਦਰ ਭੁੱਲਰ, ਲੱਕੀ ਮੱਤੇਵਾਲ, ਬੌਬੀ ਹੇਅਰ, ਡਲ ਹੇਅਰ, ਰਾਣਾ ਬਾਸੀ, ਅੰਮ੍ਰਿਤ ਗੋਸਲ, ਲਾਭ ਗਿੱਲ ਦੋਦਾ, ਗੋਬਿੰਦਰ ਸੈਂਟੀ, ਮਨਦੀਪ ਕੌਰ, ਜਸਵਿੰਦਰ ਹੇਅਰ, ਸੰਦੀਪ ਕੌਰ, ਮਨਦੀਪ ਕੌਰ ਭੋਗਲ, ਕੁਲਜੀਤ ਕੌਰ ਸਹੋਤਾ, ਰਣਜੀਤ ਕੌਰ, ਕਿਰਨ ਪ੍ਰਕਾਸ਼, ਅੰਮ੍ਰਿਤਪਾਲ ਚੀਤਾ, ਮੀਨਾਕਸ਼ੀ, ਜੀਤ, ਕਰਮਜੀਤ ਸਿੰਘ, ਦਿਆ ਸਿੰਘ, ਹਰਕੰਵਲ ਬਲ, ਦੁੱਲਾ ਰਾਏ, ਜੱਸਾ ਤੂਰ, ਪਰਭ ਨਿੱਝਰ, ਮੱਖਣ ਸਿੰਘ ਬਿਨਿੰਗ, ਬਲਜੀਤ ਸਿੰਘ ਖਹਿਰਾ, ਅਦਨਾਨ, ਜਸਵਿੰਦਰ ਕਲੇਰ, ਸੁਮਿਤ ਸ਼ਰਮਾ ਆਦਿ ਸਮੇਤ ਭਾਰੀ ਗਿਣਤੀ ਵਿੱਚ ਲੋਕ ਹਾਜ਼ਰ ਰਹੇ।